تیروپشكی قۆناغی پێشكۆتایی جامی شای ئیسپانیا راكێشرا

تیروپشكی قۆناغی پێشكۆتایی جامی شای ئیسپانیا راكێشرا لەو قۆناغەدا كلاسیكۆ رووینەدا و ئەگەری رووبەڕووبوونەوەی ریال مەدرید و بارسێلۆنا بۆ یاریی كۆتایی دواخرا.
ئەمڕۆ پێنجشەممە، 12 شوباتی 2025، لە بارەگای فیدراسیۆنی تۆپی پێی ئیسپانیا، تیروپشكی قۆناغی پێشكۆتایی جامی شا راكێشرا و بارسێلۆنا و ئاتڵێتیكۆ مەدرید لە یارییەكی دراماتیكدا بەیەك دەگەن، لە لایەكی دیكەیشەوە ریال مەدرید و ریال سۆسیداد رووبەڕووی یەكتر دەبنەوە.
 لە جامی شای ئیسپانیا بارسێلۆنا و ئاتڵێتیكۆ مەدرید لە 47 یاری رووبەڕووی یەكتر بوونەتەوە، ئاتڵێتیكۆ 16 بردنەوەی هەیە و بارسێلۆنا 22 سەركەوتنی بەدەستهێنا و لە 9 یاریش یەكسان بوونە.
بڕیارە یارییەكانی چوونی پێشكۆتایی جامی شا لە رۆژی 25 و 26ـی ئەم مانگە بەڕێوە بچێت، یارییەكانی گەڕانەوەش لە رۆژی 1/4/2025 بەڕێوە دەچێت، یاریی كۆتاییش لە رۆژی شەممە 26/4/2025 دەكرێت.