عێراق: نازانین شەرع بەشداری لوتکەی عەرەبی لە بەغدا دەکات یاخوود نا
وەزارەتی دەرەوەی عێراق رایگەیاند، هێشتا روون نییە ئەحمەد شەرع بەشداری لوتکەی عەرەبی لە بەغدا دەکات یاخود نا.
هیشام عەلەوی بریکاری وەزارەتی دەرەوەی عێراق بە میدیاکانی ڕاگەیاند، تا ئێستا ڕوون نییە ئەحمەد شەرع سەرۆکی قۆناغی راگوزەری سووریا بەشداری لوتکەی عەرەبی بەغدا دەکات یاخود نا، کە بڕیارە مانگی پێنج بە ئامادەبوونی سەرکردەکانی عەرەب لە عێراق بەڕێوەبچێت.
بریکاری وەزارەتی دەرەوەی باسی لەوەشکردووە، لوتکەی بەغدا کاریگەری لەسەر ئاسایشی هەرێمی دەبێت، هەربۆیە حکوومەتی عێراق سوورە لەسەر سەرخستنی لوتکەکە.