دوو کەشتی لە دەریای باکوور خۆیان بە یەکدا کێشا

مارتن بویرز، سەرۆکی جێبەجێکاری بەندەری گریمبسی ئیست ڕایگەیاند: لە نزیک بەندەری هامبر لە دەریای باکوور، دوو کەشتی بارهەڵگر خۆیان بەیەکدا کێشاوە و بەپێی زانیارییە سەرەتاییەکان، سەرجەم سەرنشیانی هەردوو کەشتییەکە، جگە لە یەک کەس، ڕزگار کراون.

دووشەممە 10ـی ئاداری 2025، مارتن بویرز، سەرۆکی جێبەجێکاری بەندەری گریمبسی ئیست ئاشکرای کرد، سەرنشینانی کەشتییەکان بە سێ کاروان گواستراونەتەوە کەناری دەریا، لە کاروانی یەکەمدا 13 دەریاوان بە بەلەمێک و دواتر 10 دەریاوانی دیکە بە بەلەمێکی دیکە گوازرانەوە،  کە سەر بە یەکەکانی دەریاوانی بەریتانیان لە بەندەری ئەمینگهام.

بویرز ئاشکرای کردووە، دەریاوانێک لەو ڕووداوەدا بزر بووە.