بە فەرمی زاخۆ راهێنەری نوێی دیاریی كرد

بە فەرمی ویسام رزق، راهێنەری قەتەری ئەركی راهێنەرایەتی یانەی زاخۆی وەرگرت و دەبێتە دووەمین راهێنەری قەتەری لە مێژوودا سەرپەرشتی مەشقەكانی سوورپۆشەكانی پردی دەلال دەكات.
ئەمڕۆ شەممە، 9 ئابی 2025، یانەی زاخۆ رایگەیاند بۆ وەرزی نوێی خولی ئەستێرەكانی عێراق ویسام رزق دەبێتە راهێنەری یانەكە.
زاخۆ لە راگەیاندراوەكەیدا لەبارەی دەستبەكاربوونی ویسام رزق نووسیویەتی: پیاوە قەتەرییەكە بەخێربێیت بۆ شاری ئەردەوان و ئەیازی.
ویسام رزقی 44 ساڵ، دوایینجار پێش 10 مانگ راهێنەری یانەی قوە جەوییە بوو، بەڵام دوای تەنیا 12 یانەكەی جێهێشت كە تێیدا 6 بردنەوە و 3 دۆڕانی تۆمار كرد و خولی ئەستێرەكانی عێراقی جێهێشت.
ویسام رزق پێشتر راهێنەری یانەكانی سەدی قەتەری ئوم سەڵال و خەریتات و یانەی قەتەری قەتەری بووە، لە كاروانی راهێنەرایەتی دا تەنیا یەك نازناوی لەگەڵ سەدی قەتەری بەدەستهێناوە.