مەسرور بارزانی: کۆڕبەندی مێپس کۆکردنەوەی دەنگە جیاوازەکان بوو بۆ چارەکردنی کێشەکان

سەرۆک وەزیرانی هەرێمی کوردستان دووپاتی کردەوە، گەلەکەمان لە هەڵبژاردنی ڕابردوودا ئەرکێکیان پێ سپاردووین، ئێمەش هەموو هەوڵێک دەدەین تا لە ئاست ئەو متمانەیەدا بین.

چوارشەممە، 19ـی تشرینی دووەمی 2025، مەسرور بارزانی، سەرۆک وەزیرانی هەرێمی کوردستان، لە دیدارێکی تایبەتدا لە چوارچێوەی كۆڕبەندی ئاشتی و ئاسایشی رۆژهەڵاتی ناوەڕاست (MEPS 2025)ـی زانکۆی ئەمەریکی- کوردستان لە دهۆک، وەڵامی پرسیارەكانی دایەوە، پانێلەکە بە زمانی ئینگلیزی بوو کە لە لایەن پێشکەشکار ئامینە بەکر بەڕێوە برا.

دوای کۆتاییهاتنی کۆڕبەندەکە، سەرۆک وەزیرانی هەرێمی کوردستان، لە هەژماری خۆی لە تۆڕی کۆمەڵایەتی (ئێکس)، نووسی: کۆڕبەندی #MEPS25  بریتی بوو لە کۆکردنەوەی دەنگە جیاوازەکان بۆ تاوتوێی چارەکردنی کێشەکان.

هاوکات سەرۆک وەزیران مەسرور بارزانی، ئاماژەی بەوە کردبوو، گەلەکەمان لە هەڵبژاردنی ڕابردوودا ئەرکێکیان پێ سپاردووین، ئێمەش هەموو هەوڵێک دەدەین تا لە ئاست ئەو متمانەیەدا بین و لە خزمەتکردنیان بەردەوام دەبین.

کۆڕبەندی #MEPS25 بریتی بوو لە کۆکردنەوەی دەنگە جیاوازەکان بۆ تاوتوێی چارەسەری کێشەکان.

پەیامی من ئەوەیە: گەلەکەمان لە هەڵبژاردنی ڕابردوودا ئەرکێکیان پێ سپاردووین، ئێمەش هەموو هەوڵێک دەدەین تا لە ئاست ئەو متمانەیەدا بین و لە خزمەتکردنیان بەردەوام دەبین.https://t.co/sz3FC46qx6 pic.twitter.com/e1Y9HLUjX9

— Masrour Barzani (@masrourbarzani) November 19, 2025