بەکارنەهێنانی مۆبایلی زیرەک، ژمارەیەکی زۆری حەرێدیمەکانی ئیسرائیلی کردە قوربانیی هێرشە مووشەکییەکەی ئێران.

ئەمڕۆ یەکشەممە، 22ـی ئاداری 2026، سەباح نوعمان، گوتەبێژی فەرماندەی گشتیی هێزە چەکدارەکانی عێراق رایگەیاند، لێکۆڵینەوەکان لەبارەی هێرشکردنە سەر نێردە دیپلۆماسییەکان و باڵیۆزخانەکان بەردەوامن. هۆشداریشی دا کە ئەم جۆرە کارانە دەبنە هۆی لەکەدارکردنی ناوبانگی وڵات و گۆشەگیرکردنی عێراق لەسەر ئاستی نێودەوڵەتی.

تۆشیمیتسۆ مۆتیگی، وەزیری دەرەوەی ژاپۆن رایگەیاند، لە ئەگەری راگەیاندنی ئاگربەست لە جەنگی ئەمریکا و ئیسرائیل دژی ئێران، رەنگە ژاپۆن بیر لە جێگیرکردنی هێزە سەربازییەکانی بکاتەوە بەمەبەستی پاککردنەوەی مین لە گەرووی هورمز.

ئیال زەمیر، بەڕێوبەری گشتیی وەزارەتی بەرگریی ئیسرائیل، رایگەیاند؛ هێرشە موشەکییەکەی ئێران بۆ سەر بنکەی سەربازیی هاوبەشی ئەمریکا و بەریتانیا لە دوورگەی "دیگۆ گارسیا"، سەلمێنەری ئەو راستییەیە پایتەختە گرنگەکانی ئەوروپا، لەوانەش بەرلین، ئێستا کەوتوونەتە ناو بازنەی ئامانج و مەودای موشەکەکانی ئێرانەوە.

دەسەڵاتدارانی ئیماراتی یەکگرتووی عەرەبی، بەرەبەیانی ئەمڕۆ یەکشەممە، 22ـی ئاداری 2026، رایانگەیاند؛ سیستەمی بەرگریی ئاسمانیی وڵاتەکەیان بەرپەرچی چەندین هێرشێکی مووشەک و درۆنی دایەوە لەلایەن ئێرانەوە ئاراستە کراون. 

بەرەبەیانی ئەمڕۆ یەکشەممە، 22ـی ئاداری 2026 سوپای ئیسرائیل دەستپێکردنی هێرشی ئاسمانی بۆ سەر چەند ئامانجێک لە ناو جەرگەی تارانی پایتەختی ئێران راگەیاند. ئەم هێرشە دوای چەند کاتژمێرێک دێت لە کەوتنەخوارەوەی دوو موشەکی ئێرانی لە ناو شارەکانی باشووری ئیسرائیل.

رۆژنامەی "دەیلی مەیل"ی بەریتانی بڵاویکردەوە، ژێردەریاییەکی بەریتانی کە بە وزەی ئەتۆمی کاردەکات و تەیارکراوە بە مووشەکی کرووزی جۆری "تۆماهۆک"، لە دەریای عەرەب جێگیرکراوە. 

وەزارەتی پەروەردەی ئیسرائیل، ئەمڕۆ یەکشەممە، 22ـی ئاداری 2026، بڕیارێکی بەپەلەی دەرکرد و رایگەیاند، بەهۆی پەرەسەندنی گرژی و ئاڵۆزییە ئەمنییەکانی ناوچەکە، خوێندن لە سەرجەم قوتابخانەکاندا رادەگیرێت.

ئەمڕۆ یەکشەممە، 22ـی ئاداری 2026، کۆماری ئیسلامی ئێران هۆشداریی دایە ویلایەتە یەکگرتووەکانی ئەمریکا و ئیسرائیل و رایگەیاند؛ ئەگەر هەر هێرشێک بکرێتە سەر ژێرخانی سووتەمەنی و وزەی وڵاتەکەی، ئەوا سەرجەم دامەزراوەکانی وزە، تەکنەلۆژیای زانیاری و وێستگەکانی پاککردنەوەی ئاوی ئەو دوو وڵاتە لە ناوچەکەدا دەکاتە ئامانج.

دۆناڵد ترەمپ سەرۆکی ئەمریکا لە پەیامێکدا لە تۆڕی تروس سۆشیەل پەیامێکی توندی ئاراستەی ئێران کردووە و دەڵێت "ئەگەر لە 48 کاتژمێردا گەرووی هورمز بە تەواوەتی نەکاتەوە، هێرشی توند دەکاتە سەر ژێرخانی وزەی ئێران".