رێکەفتنا ژ ناڤچوونا نەوەی نۆێ

ب دیتنامن چارەنڤێسێ نەوەی نوێ دێ ب هەمان چارەنڤیس و ب دەردێ بزوتنا گوران چێت ، و هەر رێکەفتنەکا بهێتە کرن ئەز ب باشی دزانم ئەگەر بۆ بەرژەوەندیا هەرێما کوردستانی بیت و بۆ بهێزکرنا پێگەهێ کوردان بیت ، بەلێ دبینم ئەڤ رێکەفتنە زێدەتر لایەنێ دژایەتیێ پێڤە دیارە و ئەڤ رێکەفتنە نە د ناڤبەرا یەکێتی و نەوەی نویێ دا یە ، بەلکۆ یال ناڤبەرا بافڵ تالەبانی و شاسواری عبدوالواحد یە و پتر دبینم رێکەفتنەکا بازرگانی یە کۆ شاسوار ماڵ و مولکێ ئەوێ کێشە ل سەر هەیی بو بهێتە زڤراندن و هەروەسا رۆڵێ یەکێتی نیشتمانی کوردستان وەکۆ رۆڵێ حزبوڵڵا لبنانی دهێتە دیتن ژبەرکۆ دزانن حزبوڵڵاێ پەرلەمانا لبنانێ وێڕان کر ، و هەمان شێوە یەکێتی هەوڵ ددەت پەرلەمانا کوردستانێ وێران بکەت و رێکەفتنا یەکێتی و نەوەی نوی سەرئێشە بو پروسەیا سیاسی ل هەڕێما کوردستانێ دروست دکەت ، نە کاراکرنا پەرلەمانی مەترسیەکا مەزنە لسەر قەوارێ هەرێما کوردستانێ ، هەروەسا بالانسا هێزێ ب پەیمانەکێ ناهێتە بجهئینان و دبینم مەترسیە دڤێت بجدی لسەر کار بکەن ڤان پیلانان ژناڤ ببەن

ئەرێ یەکێتی یان نەوەی نوی پێدڤی ب ڤێ رێکەفتنێ هەبوو ؟ بێگومان یەکێتی پێدڤی پێ هەبوو ژ بەرکو مەرجێن زێدە ژ هەژمارا کورسێین خۆ زێدەتر ژ پارتێ دیموکراتی کوردستان دخاست ،دووبارە ئەڤ رێکەفتنا یەکێتی و نەوەی نوی نەبۆ هەڤسەنگیا هێزێ یە لکوردستانێ بەلکۆ و بۆ هەڤسەنگیا هێزێ یە ل سلیمانێ ، بڤێ چەندێ یەکێتی و نەوەی نوی بارێ لسەر خۆ گرانتر کرن ، ئەز چارەنڤێسێ نەوەی نوێ ب چارەنڤێسێ بزوتنەوا گوڕان دبینم وەکی وێ لاواز ببیت، رێکەفتنا یەکێتی و نەوی نوی دێ رەوشێ ل هەرێما کوردستانێ بەرەڤ ئالوزیێ بەت؛ دیارو بەرچاڤە ل ناڤ یەکێتییێ دەنگێ نە رازیبوونێ هەیە ،و ژلایەک دیڤە ئەگەر ئەم تەماشە بکەن ئەڤ رێکەفتنە دێ باش بیت ژبەرکو دبینم نەوەی نوێ ب دەستێن خۆ دووماهێک ب سیاسەتا خۆە ئینا تایبەت لدەف ئەوان کەسان باوەری ب نەوەی نویێ ئیناییە و دەنگ پێ دایی، یا روون و ئاشکرایە بافڵ تەڵەبانی باوەری ب شاسواری نینە هەروەسا شاسواری ژی باوەری ب بافڵ تاڵبانی نینە، لەورا پارتی دیموکراتی کوردستان ئەڤ رێکەفتنە بناڤکریە رێکەفتنا زیندانێ و ژناڤچوونا هەردوو لایەنان بتایبەت نەوەیی نوێ

یا سەیرە د کونگرەیێ ئیمزا کرنا رێکەفتنا یەکێتی و نەوەی نوێ هەرەشە و مەرج بۆ پارتی دانان لەوا ئەڤ چەندە خزمەت ب کوردستان و پروسەیا سیاسی ل کوردستانێ ناکەت، تا دوهێ نەوەی نوێ و بافڵ تەلەبانی ب (باطل) وەسفکر ، بافڵ تەڵەبانی و یەکێتی دڤێت ئوپوزسیونێ ل سلیمانێ لاواز بکەن بڤێ پێنگاڤێ دێ نەوەێ نوی ب دەردێ گورانێ بن ، و شاسواری نەوەی نوی لسەر سفرەکا حازر پێشکەش بافڵ تەڵەبانی کر و مخابن شاسواری چ وانە ژ شێخ لاهور وەرنەگرت ، ئەنجامێ دووماهێکی دبینم ( یەکیتی نیشتمانی کوردستان + نەوەی نوی = یەکیتی نیشتمانی کوردستان ؟

ئانکۆ بریار دێ بریارا یەکێتی بت ل سنورێ سلێمانیێ ب دەست قۆتان و سەر هەژاندنا نەوەیی نوێ .