سەدەمێن هێرشا سعوودیێ ژبۆ سەر حەشدا شەعبی

پشتێ چوونا سەرۆک وەزیرێ عیراقێ عەلی زەیدی بۆ ئەمریکا و زڤڕینا وی، ل رۆژا 29/07/2026 ئەمریکا و سعوودیە هێرشەکا مەزن کرە سەر بارەگایێن حەشدا شەعبی. بەلێ ئەڤ جارە قەبارێ ڤێ هێرشێ گەلەک مەترسی بوو، ژبەرکو دەولەتا سعوودیێ ب شێوازەکێ راستەوخۆ ب هەماهەنگی ل گەل ئەمریکا هێرش کرە سەر بارەگایێن حەشدا شەعبی، ئەڤە ژی چەندین رەهەندێن سیاسی و ئابووری د پشت را هەنە.

ئەرێ چما ئەڤ هێرشە د ڤی دەمی دا هات؟

1. هاوسەنگیا هێزێ دێ هێتە گوهۆڕین بۆ بەرژەوەندیا ئەمریکا و ئیسرائیلێ. ئەمریکا نەشێت بێدەنگ بیت ل سەر مانا گروپێن چەکدار یێن ب سەر ئیرانێ ڤە. ئەو دزانیت مانا وان مانا نفوسا ئیرانێ یە ل عیراقێ.

2. ئیسرائیل دخوازیت شەڕەکێ دی ل دەڤەرێ رووی بدەت، ئەڤ جارە ب سیمایەکێ مەزهەبی. چما مەزهەبی؟ ژبەرکو ئەگەر شەڕ ببیتە شیعە و سوننە، ئیسرائیل دێ ب تنێ مینیت و هەمی عەرەب دێ ب ئێکدو کەڤن. ئەڤە خەون و پلانا ئیسرائیلێ یە ل دەڤەرێ.

3. ئەمریکا و سعوودیە بۆ عیراقێ دایە دیار کرن کو د پرسا حەشدا شەعبی دا چ سازش ناکەن. پەیاما وان روون بوو: یان حەشدا شەعبی دێ هێتە هەلوەشاندن و دچیتە دناڤ سوپایێ عیراقێ دا، یان ئەم دێ هەلوەشینین.

4. راکێشانا سعوودیێ بۆ ناڤ شەڕی. ژبەرکو سعوودیە سەرکێشا دەولەتێن کەنداڤێ یە. ئەگەر سعوودیە هاتە ناڤ شەڕی، واتە قەتەر، کوێت، ئیمارات هەمی دێ هێنە ناڤ شەڕی.

5. سعوودیە ژی هەست ب مەترسیا گروپێن چەکدارێن ب سەر ئیرانێ ڤە کریە و دخوازیت خوە ژ ڤێ دورپێچێ رزگار بکەت. سعوودیە دزانیت ئەگەر ئیران ب هێز بمینیت، دورپێچا حوسی و حەشدێ ل دور سعوودیێ دێ تەنگتر بیت.

6. مانا گروپێن چەکدار مانا نە ئارامیە ل دلێ ئابووریا جیهانێ. جیهان نەشێت قەبیل بکەت نەفتا جیهانێ د دەستێ چەند گروپێن چەکدار دا بیت. هەر مووشەک ل سەر کەنداوێ، نەفتێ دکەتە 150 دۆلاران.
ئەنجام چیە؟

خوە ئەڤ شەڕە نە شەڕێ حەشدێ یە بتنێ یە، شەڕێ داھاتوویێ عیراقێ یە. عیراق دێ مینیت وەک دەولەت، یان دێ بیتە مەیدانا شەڕێ وەکالەتێ دناڤبەرا ئیران و سعوودیێ دا؟

ئەم وەک هەرێما کوردستانێ دڤێت زۆر ب وریایی سەح بکەین. نابیت ئەم ببینە بەشەک ژ ڤی شەڕێ مەزهەبی. رێکا مە دیالۆگ و دویرکەفتنە ژ هەمی لایەنان. ئەگەر حەشدا شەعبی نەچیتە دناڤ دەولەتێ دا، دێ بیتە ئەگەرێ تێکدانا هەمی دەڤەرێ.