گرژى سعوویه‌ و ئێران نرخى نه‌وتى هه‌ڵكشاند

K24 – رياز:

سعوودييه‌ په‌يوه‌ندييه‌كانى له‌گه‌ڵ ئێراندا پچڕاند و ره‌وشى نێوانيان رووى له‌ ئاڵۆزييه‌ و مه‌ترسى دابه‌زينى ئاستى به‌رهه‌مى نه‌وتيش، نرخى له‌ بۆرسه‌ى نه‌وتدا هه‌ڵكشاند.

ئاژانسى هه‌واڵى رۆيته‌رز، بڵاويكردووه‌ته‌وه‌، گرێبه‌سته‌ خێراكانى نه‌وتى خاوى برنت، 72 سه‌نت به‌رزبوویه‌وه‌ و نرخى یه‌ك به‌رمیل نه‌وتى گه‌یانده‌ 38 دۆلار.

هاوكات گرێبه‌سته‌ خێراكانى نه‌وتى خاوى رۆژئاواى تێكساس، 29 سه‌نت به‌رزبوویه‌وه‌، نرخى یه‌ك به‌رمیلى گه‌یشته‌ 37 دۆلار و 33 سه‌نت.

هێشتا نرخى نه‌وت به‌ نزیكه‌ى دوو له‌سه‌ر سێى نرخه‌كان نزمه‌ به‌ به‌راورد له‌گه‌ڵ ناوه‌ڕاستى 2014.

وڵاتانى به‌رهه‌مێنه‌رى نه‌وت، رۆژانه‌ نیو تا یه‌ك ملیۆن به‌رمیل زیاتر له‌ ئاستى داواكراو هه‌نارده‌ ده‌كه‌ن.