به‌ داتا.. پله‌كانی گه‌رمی ئه‌مڕۆی هه‌رێمی كوردستان بزانه‌

K24 - هه‌ولێر:

فه‌رمانگه‌ی كه‌شناسی و بوومه‌له‌رزه‌زانی هه‌رێمی كوردستان، داتای خۆی له‌ باره‌ی پله‌ی گه‌رمی ئه‌مڕۆ 4ی كانوونی دووه‌م/ یه‌نایه‌ری 2016ی پارێزگاكانی هه‌رێمی كوردستان بڵاوكرده‌وه‌.

به‌ گوێره‌ی داتاكانی فه‌رمانگه‌ی كه‌شناسی نزمترین پله، شارۆچكه‌ی حاجی ئۆمه‌رانی سه‌ر به‌ پارێزگای هه‌ولێره‌، كه‌ 3 پله‌ له‌ژێر سفره‌وه‌یه‌، دوای ئه‌وێش شارۆچكه‌ی ئامێدی سه‌ر به‌ پارێزگای دهۆكه‌ و 2 پله‌ له‌ ژێر سفره‌.

پله‌ی گه‌رمی له‌ هه‌ریه‌ك له‌ شارۆچكه‌كانی سیده‌كان و چۆمانی پارێزگای هه‌ولێریش یه‌ك پله‌ له‌ ژێر سفره‌وه‌.

گه‌رمترین ناوچه‌ی كوردستانیش، شاری خانه‌قینه‌ كه‌ 12 پله‌ بووه‌ و دوای ئه‌وێش كه‌لار و تازه‌ خورماتوو به‌ 9 پله‌و كه‌ركووك 8 پله‌ و ناوه‌ندی پارێزگای هه‌ولێریش 6 پله‌ بووه‌.