"هەلومەرجی دەرەکی لە باره بۆ پرسی ریفراندۆم"
ریفراندۆم؛ پرسه چارهنووسسازهكهی كوردستان
K24 - ههولێر:
ئەندامێکی مەکتەبی سیاسی یەکگرتووی ئیسلامی كوردستان رایدەگەیەنێت، هەلومەرجی دەرەکی لە باره بۆ پرسی ریفراندۆم، بەڵام پێوستمان بە یەکریزی ناوخۆیی هەیە.
ئەندامێکی سەرکردایەتی پارتی دیموكراتی كوردستانیش دەڵێت: "لەگەڵ لایەنەکان زەمینەسازی دەکەین بۆ ئەنجامدانی ریفراندۆم"، ئەمە لە کاتێکدایە کۆنفراسێك لە بارەی ریفراندۆم وەک هەنگاوی سەربەخۆیی بەڕێوەچوو.
پرسی ئەنجامدانی ریفراندۆم لە باشووری کوردستان چەندین تویژینەوەی لەسەر دەکرێت و بۆ ئەم مەبەستەش کۆنفرانسێك لە بارەی هەلومەرج و ئاستەنگەکانی ریفراندۆم ئەنجامدرا.
ئەندامێکی کۆمیتەی دیاریکردنی چارەنووس دەڵیت: "خەڵکی کوردستان بیرێکی نەتەوەیی بەهێزیان هەیە، هەرچەندە بۆچوونی جیاوازیش هەبێت بەڵام دەنگدان بە مافی چارەی خۆ نووسین یەكهەڵوێستیان دەکات".
عەبدولڕەحمان سدیق، ئەندامی کۆمیتەی دیاریکردنی چارەنووس ههروهها دهڵێت: "لایەنە سیاسیەکان بەهۆی کێشەی سیاسییەوە ئێستا تارادەیەك بۆچوونیان لەسەر ئەنجامدانی ریفراندۆم جیاوازە".
ئەندامێکی مەکتەبی سیاسی یەکگرتووی ئیسلامی كوردستانیش دەڵێت: "وڵاتان پشتگیری راگەیاندنی سەربەخۆیین، بەڵام پێوستە لە ناوخۆی خۆمان یەك دەنگ بین".