باراك ئۆباما رجێم دەكات

K24 - ھەولێر:

راپۆرتی پزیشكی باراك ئۆبامای، سەرۆكی ئەمریكا بڵاودەكرێتەوە، بەگوێرەی راپۆرتەكە تا ئێستا ئۆباما راھێنانی وەرزشی دەكات و بەرنامەی رجێمی ھەیە.

پزیشکەکەی باراك ئۆباما، دەڵێت: ئۆباما باری تەندروستی زۆر باشە و لە ساڵی رابردوودا کێشی خۆی دابەزاندووە و تا ئێستاش بنێشتی نیکۆتین دەخوات، کە تایبەت بە وازھێنان لە جگەرە.

رۆنی جاکسۆن پزیشکی تایبەتی ئۆباما،  دەشڵێت: تا ئێستا ئۆباما رۆژانە راھێنان دەکات و بەرنامەی رجێمی ھەیە،ئاماژە بەوەشدەکات لەماوەی ساڵی رابردوودا ئۆباما کێشی خۆی دابەزراندووە و  ئێستا كێشی  79 کیلۆیە.

رۆنی جاکسۆن گوتیشی: ئۆبامای تەمەن 54 ساڵ، ئاستی کۆلستڕۆڵی خۆی لە 213 بۆ 188 دابەزاندووە، کە ئەوە ئاستێکی ئاساییە و ھەروەھا دەشڵێت، ئۆباما جا جار حەپێک دەخوات کە تایبەت بە نەھێشتنی دڵەکزێ.

لەراپۆرتەکەدا پزیشکی ئۆباما ئاشکرای دەکات درێژیی باڵای سەرۆکی ئەمریکی مەترێک و 87 سانتیمەترە.

باراك ئۆبامای ماوەی حەوت ساڵە سەرۆكی ئەمریكایە لەمانگی کانوونی یەکەمی 2017 کۆتایی بە ماوەی سەرۆکایەتیەكەی دێت.

 داڕشتنەوە: ش، م