به‌غدا هاوكارى دارايى به‌سه‌ر ئاواره‌كاندا دابه‌شده‌كات

K24 – هه‌ولێر:

وەزارەتی کۆچ و کۆچبەرانی عێڕاق، رایگەیاند، "وەزارەت بڕى 250 هەزار دیناری بۆ هەر خێزانێکی ئاوارە تەرخان کردووە".

لە راگەیەنراوێکدا، كه‌ وێنه‌يه‌كى ده‌ست كوردستان 24 كه‌وتووه‌، هاتووه‌: له‌ سه‌ره‌تاى هەفتەی داهاتوودا دەستدەکرێت بە دابەشکردنی ئەو بڕە پارەیە و بڕياره‌كه‌ش سەرجەم ئاوارەکان دەگرێتەوە، لە هەر پارێزگایەک بن".

پێشتر، وەزارەتی کۆچ و کۆچبەران بڕی یەک ملیۆن دیناری بۆ 99 هەزار خێزانی ئاوارە لە رێی کارتى زیرەکەوە دابەشکردووه‌.

به‌ گوێره‌ى ئاماره‌ ره‌سمييه‌كان له‌ پارێزگاكانى عێراقدا زياتر له‌ دوو مليۆن هاووڵاتى ئاواره‌ بوونه‌ و به‌ هۆى توندوتيژييه‌كان و شه‌ڕى دژى داعشه‌وه‌ ناچار بوونه‌ ماڵ و حاڵى خۆيان به‌جێبهێڵن.

له‌ هه‌رێمى كوردستاندا سه‌دان هه‌زار ئاواره‌ى شاره‌كانى عێراق به‌ تايبه‌تى ناوچه‌ سوننه‌ نشينه‌كانى ناوه‌ڕاستى عێراق په‌نا دراوون.