گازوائیل رژاوەتە ئاوی سیروانەوە
ئەگەر بە زووترین كات ئەو گازوائیلە لە ئاوی سیروان دەرنەھێندرێت ئەگەری ئەوە ھەیە بگاتە بەنداوی دەربەندیخان و كێشەی ژینگەیی گەورەی بەدواوە بێت.
K24 – ههولێر:
ئەنجوومەنی سەوزی چیای مەریوان بڵاویكردەوە، بە ھۆی باران بارینی ماوەی رابردوو كارگەیەكی بڕینەوەی بەرد ژێر ئاو كەوتووە و بووهتە ھۆی رژانی بڕێكی زۆر گازوائیل بۆناو ئاوی رووباری سیروان.
ئەنجوومەنی سەوزی چیای مەریوان بڵاویشیكردەوە، ژمارەیەكی زۆر لە گیاندارانی ئەو روبارە بەھۆی نەوت و گازوائیلەوە لەناوچوون.
بە وتەی ئەو ئەنجوومەنە، ئەگەر بە زووترین كات ئەو گازوائیلە لە ئاوی سیروان دەرنەھێندرێت ئەگەری ئەوە ھەیە بگاتە بەنداوی دەربەندیخان و كێشەی ژینگەیی گەورەی بەدواوە بێت.
روباری سیروان لە رۆژھەڵاتی كوردستانەوە دەگاتە دەربەندیخان لە باشووری كوردستان.