لە کامپێكی ئاوارەکانی شنگال سێ کەس سووتان
ئەندامی یەک خێزان
K24- زاخۆ:
باوکێک و کوڕ و كچێك لە کەمپی ئاوارەکانی شنگال بەهۆی ئاگرکەوتنەوە گیانیان لەدەستدا.
پەیامنێری کوردستان24 لە زاخۆ رایگەیاند، بەهۆی شۆرتی کارەباوە ئاگرەکە لەناو خێمەیەک کەتووەتەوە.
دەشڵێت، دایک و باوکی خێزانەکە لە ناو خێمەیەک خەوتن و منداڵەکانیشیان لەناو خێمەیەکی تەنیشتیان. کاتێک لە خێمەی منداڵەکان ئاگر کەوتووەتەوە، باوکەکە هەوڵی داوە منداڵەکانی رزگار بکات، بەڵام خۆی و کوڕ و كچێكی بەهۆی ئاگرەکە گیانیان لەدەستداوە. تەنها یەک منداڵیان رزگار کراوە، ئەویش لە لایەن دایکییەوە.
رووداوەکە بەرەبەیانی ئەمڕۆ روویداوە و بەهۆیەوە پێنج کەس برینداربوون کە یەکێکیان دایکی ئەو دوو منداڵەیە کە گیانیان لەدەستداوە.
