هاتووچۆ له نێوان هه‌رێمی كوردستان و پارێزگاكانی عێراق ئاسایی دەکرێتەوە
"دوای چل رۆژ بازگەکان بە رێنمایی تەندروستی دەکرێنەوە"
K24 - هه‌ولێر:
له به‌یاننامه‌یه‌كدا وه‌زاره‌تی ناوخۆی حكومه‌تی هه‌رێمی كوردستان بڕیاری نوێی له‌باره‌ی رێنماییه‌كانی رووبه‌ڕووبوونه‌وه‌ی په‌تای كۆرۆنا و رێكاره‌كانی خۆپارێزی ده‌ركرد و رایگه‌یاند، كارئاسانی بۆ هاتووچۆی نێوان هه‌رێمی كوردستان و پارێزگاكانی عێراق ده‌كه‌ین.
وه‌زاره‌تی ناوخۆ له به‌یاننامه‌كه‌یدا ئاماژه‌ی به‌وه كرد، كارئاسانی كردنه‌وه‌ی هاتووچۆ له نێوان هه‌رێمی كوردستان و پارێزگاكانی عێراق به ره‌چاوكردنی رێنماییه‌كانی وه‌زاره‌تی ته‌ندروستی دەکرێت.
روونیشیكرده‌وه، ئه‌م به‌یانه له رۆژی ده‌رچوونییه‌وه جێبه‌جێ ده‌كرێت و له رۆژنامه‌ی وه‌قایعی كوردستان بڵاوده‌كرێته‌وه.
سەلام خۆشناو، بەرپرسی بازگاکانی هەرێمی کوردستان بە کوردستان24ی راگەیاند، دوای چل رۆژ بازگەکان بە رێنمایی تەندروستی دەکرێنەوە و داواش لە هاووڵاتیان دەکات پابەندی رێنماییەکان بن و دەمامک ببەستن.
