حکومەتی عێراق نووسینگە وەهمییەکانی دۆزینەوەی کار دادەخات
سەدان نووسینگەی دۆزینەوەی کار بە نایاسایی کار دەکەن
K24 - ههولێر:
وەزارەتی کار و بانکی ناوەندی عیراق لە رێگەی پلانێکەوە کار لەسەر پاڵپشتیکردنی گەنجان و بەردەستخستنی خزمەتگوزارییە داراییەکان دەکەن.
وەزارەتی کار و کاروباری کۆمەڵایهتی عێراق بڵاویکردووە، سەدان نووسینگەی وەهمی تایبەت بە دۆزینەوەی کار لە شارەکانی عێراق کراونەتەوە و بەشێوەیەکی هەڕەمەکی و نافەرمی کار دەکەن، لەکاتێکدا حکومەت تەنیا رێگەی بە 40 نووسینگە داوە.
ئاماژە بەوەش كراوه، وەزارەتی کار بەهەمانگی لەگەڵ وەزارەتی ناوخۆ، بەدواداچوون بۆ ئەو نووسینگە وەهامیانە دەکات و سەرپێچیکاران سزا دەدات، چونکە کردنەوەی ئەو نووسینگە وەهمیانە سەرپێچی یاسایە.
بەگوێرەی ئامارەکانی وەزارەتی کار، زیاتر لە 2 ملیۆن و 600 هەزار بێکار ناویان تۆمارکراوە بۆ رەخساندنی هەلی کار و بە هەزاران بێکاری دیکەش هەن کە ناویان تۆمارنەکراوه.
د.ی