پارتی: لە سلێمانی هەندێک لایەن پێشێلکاریان کردووە

K24 – سلێمانی

کارگێڕێکی لقی 4ی پارتی لە سلێمانی رایدەگەیەنێت، چەندین گرفت لە پرۆسەی دەنگدان لە سلێمانی هەبووە، هەروەها کۆمەڵێک پێشێکاریش لەلایەن هەندێک حزب و هاوپەیمانیێتی کراوە.

کامەران غەریب، کارگێڕی لقی 4ی پارتی لە سلێمانی لە کۆنفرانسێکی رۆژنامەوانیدا گوتی: "گرفت لە ئامێرەکانی دەنگدان هەبوو، هەندێکیان تا کاتژمێر 12 کاریان نەکردووە، هەروەها ژمارەیەک دەنگدەر ناویان نەبوو، کە ئەمەش وایکردووە زۆر کەس لە مافی دەنگدان بێبەش بێت".

گوتیشی: "کۆمەڵێک پێشێلکاری لەلایەن هەندێک حزب و هاوپەیمانیێتی کراوە، دژی ئەو لایەنەنانە سکاڵامان بۆ کۆمسیۆن بەرزکردووەتەوە".