لێکۆڵینەوە لە گیان لەدەستدانی "مامۆستا نێرگز" دەکرێت

K24 – سلێمانی

تەندروستی سلێمانی لیژنەیەکی زانستی پێکهێنا، بۆ ئەوەی لێکۆڵینەوە لە هۆکاری گیان لەدەستدانی مامۆستا نێرگز بکەن، کە گوتراوە "بە هۆاکاری وەرگرتنی ڤاکسینی کۆرۆنا گیانی لەدەستداوە".

رۆژی پێنجشەممەی رابردوو 28/10/2021. مامۆستایەکی قوتابخانەی ئامادەیی رازاوەی سلێمانی بەناوی نێرگز محەمەد گیانی لەدەستدا، دوای گیان لەدەستدانیشی چەندین قسە و باس لەبارەی گیان لەدەستدانی دەکرێت.

سامان شێخ لەتیف، بەڕێوەبەری راگەیاندنی تەندروستی سلێمانی بە کوردستان24ی راگەیاند: "لەسەر فەرمانی بەڕێوەبەری گشتی سلێمانی لیژنەیەکی زانستی بۆ لێکۆڵ لە گیان لەدەستدانی ئەو مامۆستایە پێکهێنراوە، بۆ ئەوەی دیار بکرێت کە ئەو مامۆستایە بە ڤاکسینی کۆرۆنا مردووە یان حاڵەتی دیکە بووە؟، ئێستا چاوەڕێی ئەنجامی لیژنەکە دەکەین".