پەیامی پیرۆزبایی سەرۆك بارزانی بەبۆنەی جەژنی رۆژووی ئێزی

K24 – هه‌ولێر:

سه‌رۆك مه‌سعود بارزانی، به‌ بۆنه‌ی هاتنه‌وه‌ی جه‌ژنی رۆژووی ئێزی، پیرۆزبایی له‌ سه‌رجه‌م ئێزدییانی كوردستان و جیهان كرد.

ده‌قی په‌یامه‌كه‌ی سه‌رۆك بارزانی

بەناوی خودای بەخشندە و میهرەبان

بەبۆنەی هاتنەوەی «جەژنی ڕۆژووی ئێزی»، گەرمترین پیروزبایی له خوشك و برایانی ئێزیدی لە كوردستان و سەرانسەری جیهان دەكەم.

هیوادارم ئەو جەژنە، شادی و ئارامی و بەختەوەریی بۆ خوشك و برا ئێزیدیەكانمان بهێنێت و کۆتایی بە ئازار و مەینەتییەکانیان بێت.

كوردستان سەرزەمینی پێكەوەژیانی نەتەوە و ئایینە جیاجیاكانە و، جەخت لە پاراستنی فەرهەنگی برایەتی و پێكەوەژیان و قووڵتركردنی دەكەینەوە.

جەژنتان پیرۆز و، ئومێد دەكەم هەمیشە جەژنەكانتان لە خۆشی و ئاشتیدا بكەنەوە.

مسعود بارزانی

16ی كانوونی یەكەمی 2021