ژماره‌یه‌ك مووشه‌ك ئاراسته‌ی بنكه‌ی سه‌ربازی توركیا له زێلكان كران
K24 – هه‌ولێر:
ئه‌مشه‌و هاوكات له‌گه‌ڵ یادكردنه‌وه‌ی دووه‌م ساڵیادی كوژرانی قاسم سوله‌یمانی فه‌رمانده‌ی پێشووی فه‌یله‌قی قودسی سوپای پاسدارانی كۆماری ئیسلامی و ئه‌بومه‌هدی موهه‌ندیس، جێگری پێشووی سه‌رۆكی ده‌سته‌ی حه‌شدی شه‌عبی، زیاتر له 10 مووشه‌ك ئاراسته‌ی بنكه‌ی سه‌ربازی سوپای توركیا له ناوچه‌ی زێلكانی سه‌ر به به‌عشیقه كران.
تا ئێستا سوپای توركیا هیچ زانیارییه‌كی له باره‌ی ئه‌و هێرشه مووشه‌كییه و زیانه گیانی و ماڵییه‌كانی سه‌ربازگه‌كه رانه‌گه‌یاندووه.
هاوكات هیچ لایه‌نێك به‌رپرسیارێتی هێرشه مووشه‌كییه‌كه‌ی نه‌گرتووه‌ته ئه‌ستۆ.
