ڤیدیۆ.. یەکەم ئوتێلی 5 ئەستێرە بۆ حوشترەکان لە سعودیە

K24 - هەولێر:

گرتە ڤیدیۆی ئوتێلێکی 5 ئەستێرە کە تایبەتە بە حوشترەکان، لە تۆڕە کۆمەڵایەتیەکانی سعودیە بڵاوبوویەوە و کاردانەوەی بەدوای خۆیدا هێنا.

هەژماری یانەی حوشتر لە سعودیە گرتە ڤیدیۆیەکی بڵاوکردۆتەوە کە تیایدا باس لە یەکەم ئوتێلی تایبەت بە حوشترەکان دەکات کە لەو وڵاتە کراوەتەوە. 

ئوتێلەکە 120 ژووری بۆ حوشترەکان هەیە، هەروەها زیاتر لە 50 کارمەندی هەیە وەک کارگوزار و پزیشکی ڤێت و کارمەندی سکیوریتی.

خەرجی ژوورێکی ئەم شوێنە بۆ یەك شەو نزیکی 106 دۆلارە، بە ئوتێلێکی 5 ئەستێرە دادەنرێت، چونکە تەواوی خزمەتگوازریە پێویستەکانی ئوتێلێکی 5 ئەستێرەی تێدایە.

تطمن .. الفندق الأول من نوعه في العالم، بـ 120 غرفة فندقية للإبل 🐪🏨!#مهرجان_الملك_عبدالعزيز_للإبل6#حنا_بدو | #نادي_الإبل pic.twitter.com/gjryf1dZQs

— نادي الإبل (@CamelClub) January 7, 2022

H.H