بە وێنە.. ئارنۆڵد تووشی رووداوی هاتوچۆ بوو

K24 - هەولێر:

ئەکتەری سینەمایی و حاکمی پێشووی ویلایەتی کالیفۆرنیا، ئارنۆڵد شوارزنێگەر، لە لۆس ئەنجلوس تووشی رووداوی هاتوچۆ بوو.

بە گوێرەی میدیاکانی ئەمەریکا، ئارنۆڵد بە ئۆتۆمبێلەکەی کە لەجۆری "جی ئێم سی یوکۆن" بووە خۆی کێشاوە بە ئۆتۆمبێلیکی جۆری "پریوس".

لە رووداوەکەدا ئارنۆڵد زیانی پێنەگەیشتووە، بەڵام شۆفێری "پریوس"ـەکە کە ژنێک بووە، بریندار بووە و گەیەندراوەتە نەخۆشخانە.

ئارنۆڵد ئەلۆیس شوارزنێگەر لە 30ـی تەمووزی 1947 لە نەمسا لەدایکبووە، پاڵەوانی یاری لەشجوانی و ئەکتەر و سیاسەتمەدارێکی کۆماری ئەمەریکیە و 38ـهەمین حاکمی ویلایەتی کالیفۆرنیا بووە، لە هەردوو بواری وەرزش و هونەردا چەندین خەڵات و نازناوی گەورەی بەدەستهێناوە.

Arnold Schwarzenegger was involved in a bad car accident, woman injured, TMZ reports https://t.co/VG7jp7XB9H pic.twitter.com/EF5eP2FUQI

— philip lewis (@Phil_Lewis_) January 22, 2022

 H.H