پۆلیسی هه‌ولێر: ژنێك له‌لایه‌ن هاوسه‌ره‌كه‌یه‌وه كوژرا
K24 - هه‌ولێر:
بەڕێوەبەرایەتی پۆلیسی پارێزگای هەولێر له راگه‌یه‌ندراوێكدا ئاشكرای كرد، له گه‌ڕه‌كی ئاری له شاری هه‌ولێر ئه‌مڕۆ یه‌كشه‌ممه (12ی حوزه‌یران/ یۆنیۆی 2022) ژنێك له‌لایه‌ن هاوسه‌ره‌كه‌یه‌وه كوژرا.
به گوێره‌ی راگه‌یه‌ندراوه‌كه‌ی پۆلیسی هه‌ولێر، ژنه‌كه ناوی "جوان عه‌زیز حه‌سه‌ن"ـه و ته‌مه‌نی (38) ساڵه، له‌سه‌ر كێشه‌یه‌كی خێزانی له‌لایه‌ن هاوسه‌ره‌كه‌ی (ع. خ)ـه‌وه كوژراوه.
ئاماژه به‌وه‌ش كراوه، ته‌رمەکەی رەوانەی پەیمانگای پزیشکی دادی کرا بۆ توێكاری و تیمه‌كانی پۆلیسیش سەرقاڵی لێکۆڵینەوەیە بۆ دەستگیرکردنی بکەری تاوانەکە.
