ئه‌مه‌ریكا.. به‌هۆی لافاوه‌وه‌ 14 كه‌س گیانییان له‌ده‌ستدا

K24 - هه‌ولێر:

به‌هۆی بارانی به‌خوڕ و دروستبوونی لافاو، له‌ ویلایه‌تی ڤێرجینیای رۆژئاوا 14 كه‌س گیانییان له‌ده‌ستدا.

هاوكات له‌گه‌ڵ ئه‌و بارانه‌ به‌ خوڕه‌و و دروستبوونی لافاو، گه‌رده‌لوول و ره‌شه‌بایه‌كی توندیش ویلایه‌ته‌كه‌ی گرتووه‌ته‌وه‌.

ئیرل رای، حاكمی ویلایه‌تی ڤێرجینیا، له‌ كۆنگره‌یه‌كی رۆژنامه‌وانی رایگه‌یاند، به‌هۆی ئه‌و كاره‌ساته‌ سرووشتییه‌ كه‌ رووی له‌ ویلایه‌ته‌كه‌ كردووه‌، 14 كه‌س گیانییان له‌ده‌ستداوه‌.

فه‌رمانگه‌ی روانگه‌ی و چاودێری كه‌شوهه‌وای نیشتمانی، ژماره‌یه‌ك راپۆرتی له‌ باره‌ی دروستبوونی لافاو له‌ رووباری جاكسۆن تۆماركردووه‌.

به‌رپرسانی تیمه‌كانی فریاگوزاری داوا له‌ خه‌ڵك ده‌كه‌ن، له‌ شوێنه‌ به‌رزه‌كان بمێننه‌وه‌ و نه‌چنه‌ ژێرزه‌مینه‌كان یاخود دۆڵه‌كان.

به‌ گوێره‌ی داتای روانگه‌ی كه‌شوهه‌وا، له‌ ساڵی 1985ه‌وه‌ یه‌كه‌مجاره‌ ئاستی ئاوی رووباری جاكسۆن له‌ ویلایه‌ته‌كه‌، به‌و شێوه‌یه‌ به‌رزبێته‌وه‌.