عەبادی: كۆنترۆڵكردنەوەی بنكەی سەربازی گەیارە خاڵێكی گرنگە بۆ لەناوبردنی داعش
"دەکرێت لەوێووە رێگەخۆش بکرێت بۆ رزگارکردنی شاری موسڵ"
K24 - ھەولێر
حەیدەر عەبادی، سەرۆک وەزیرانی عێراق رایدەگەیەنێت کۆنترۆڵکردنەوەی بنکەی سەربازی گەیارە، ھەنگاوێکی گرنگە لە کۆنتڕۆڵکردنەوەی شاری موسڵ.
لەراگەیانردراوێکدا، عەبادی ئاشکرای کرد کە رزگارکردنی بنکەی سەربازی گەیارە، بنکەیەکی گرنگە و دەکرێت لەوێووە رێگەخۆش بکرێت بۆ رزگارکردنی شاری موسڵ کە لە حوزەیرانی 2014وە لەژێر دەستی چەکدارانی داعشدایە.
دوێنێ سوپای عێراقی، کۆنترۆڵکردنەوەی بنکەی سەربازی گەیارەی راگەیاند و سەرۆک وەزیرانی عێراقیش ئاشکرای دەکات ئەو بنکەیە، خاڵێکی گرنگ دەبێت بۆ لەناوبردن و کۆتایی ھێنان بە بوونی چەکدارانی داعش لە پارێزگای نەینەوا کە دوا خاڵی دەسەڵاتی داعشە لە عێراق.
