نێچیرڤان بارزانی: به خۆشحاڵييهوه پێشوازى له رێككهوتنى نێوان حكومهتى فيدراڵی و حكومهتى ههرێمى كوردستان دهكهم
K24 – هەولێر:
سەرۆکی هەرێمی کوردستان پەیامێکی لەبارەی رێککەوتنی نێوان حکومەتی هەرێمی کوردستان و حکومەتی فیدراڵی بڵاوکردەوە و ستايشى رۆڵى سهرۆكوهزيرانى عێراقى فيدراڵ و سهرۆك وهزيرانى ههرێمى كوردستان دهكات كه به گيانێكى ئهرێنى بۆ چارهسهرى، توانييان بگهنه لێكگهيشتن و رێككهوتن.
ئەمڕۆ سێشەممە (4ـی نیسان/ئێپڕڵی 2023)، نێچیرڤان بارزانی، سەرۆکی هەرێمی کوردستان پەیامێکی بڵاوکردەوە و رایگەیاند، به خۆشحاڵييهوه پێشوازى له رێككهوتنى ئهمڕۆى نێوان حكومهتى فيدراڵيى عێراق و حكومهتى ههرێمى كوردستان دهكهم بۆ دهستپێكردنهوهى ههناردهكردنى نهوتى ههرێمى كوردستان.
لە پەیامەکەی سەرۆکی هەرێمدا هاتووە، " دووپاتى دهكهينهوه ههرێمى كوردستان وهك ههميشه ئامادهيه بۆ چارهسهر به گفتوگۆ و لێكگهيشتن لهسهر بنهماى دهستوور كه له بهرژهوهنديى تهواوى عێراقدايه و دهبێته هۆى سهقامگيريى سياسى و ئابووريى وڵات".
هەروەها نێچیرڤان بارزانی، سوپاس و پێزانين ئاراستەی تيمهكانى ههردوولا دەکات كه گفتوگۆيهكى سهركهوتوويان بهڕێوه برد و ئهم رێككهوتنهى لێكهوتهوه. هيواشی خواست وهك خۆى جێبهجێبكرێت و ببێته دهستپێكى چارهسهركردنى كێشهكانى ديكهش.
دەقی پهيامەكەی سهرۆكى ههرێمى كوردستان
به خۆشحاڵييهوه پێشوازى له رێككهوتنى ئهمڕۆى نێوان حكومهتى فيدراڵيى عێراق و حكومهتى ههرێمى كوردستان دهكهم بۆ دهستپێكردنهوهى ههناردهكردنى نهوتى ههرێمى كوردستان.
ستايشى رۆڵى بهڕێزان سهرۆك وهزيرانى عێراقى فيدراڵ و سهرۆك وهزيرانى ههرێمى كوردستان دهكهم كه به گيانێكى ئهرێنى بۆ چارهسهرى، توانييان بگهنه لێكگهيشتن و رێككهوتن، دهستخۆشييان لێدهكهم.
سوپاس و پێزانين بۆ تيمهكانى ههردوولا كه گفتوگۆيهكى سهركهوتوويان بهڕێوه برد و ئهم ڕێككهوتنهى لێكهوتهوه. هيوادارين وهك خۆى جێبهجێ بكرێت و ببێته دهستپێكى چارهسهركردنى كێشهكانى ديكهش.
دووپاتى دهكهينهوه ههرێمى كوردستان وهك ههميشه ئامادهيه بۆ چارهسهر به گفتوگۆ و لێكگهيشتن لهسهر بنهماى دهستوور كه له بهرژهوهنديى تهواوى عێراقدايه و دهبێته هۆى سهقامگيريى سياسى و ئابووريى وڵات.
نێچيرڤان بارزانى
سهرۆکی ههرێمى كوردستان
2023/4/4