تۆمارێکی دەنگی دزەپێکراو توڕەیی کەسایەتییەکانی رووسیا ئاشکرا دەکات
K24 - هەولێر
سەرەتای مانگی رابردوو تۆمارێکی دەنگی دزەپێکراوی گفتوگۆی نێوان دوو کەس، یوسف پریگۆژین، بەرهەمهێنەری بەناوبانگی مۆسیقای رووسیا و فەرهاد ئەحمەدۆڤ، بازرگان و سیاسەتمەداری پێشووی رووسیا بڵاوبووەوە، تێدا رەخنەی توند لە ڤلادیمێر پوتن و شەڕی رووسیا لەدژی ئۆکرانیا دەگرن.
ئەو دوو کەسەی کە تۆمارە دەنگییەکەیان رەتکردبووەوە، لە گفتوگۆکانیاندا ناڕەزایی خۆیان لە سیاسەتەکانی پوتن و شەڕەکەی ئۆکرانیا دەردەبڕن.
بەگوێرەی راپۆرتێکی دامەزراوەی کارنیگی بۆ ئاشتی نێودەوڵەتی، ئەو گفتوگۆ دزەپێکراوە رەنگدانەوەی پاڵپشتیی ئەو نوخبەیەیە، چونکە بڕیارەکانی کرێملین "تەنها قسەکردنە"، بە وردی هەڵوێستەکانی خۆی لەبارەی جەنگ و سەرکردایەتی رووسیا ئاشکرا دەکات.
دامەزراوەی کارنیگی بۆ ئاشتی نێودەوڵەتی، لە راپۆرتەکەدا تیشکی خستۆتە سەر ئەوەی کە گرنگیدان بە تۆمارە دەنگییە دزەپێکراوەکە لای رووسەکان ئەوەندە زۆر بووە، کە وڵاتەکەی چەکی ئەتۆمی تاکتیکی لە بیلاڕووس جێگیرکردووە.
راپۆرتی ئینستیتیوتی نێودەوڵەتی ئاماژەی بەوەداوە، توڕەیی و نائومێدی لە نێو ژمارەیەک لە سیاسەتمەداران و ئابووریناسان و تەکنۆکراتەکان، هەروەها کەسایەتییە سەربازی و ئەمنییەکان و تەنانەت بەناو نیشتمانپەروەرە توندڕەوەکان کە بەرگری لە شەڕ دەکەن، بڵاوبووەتەوە.
هەمان سەرچاوە پێی وایە ئەو گفتوگۆ دزەپێکراوەکە زۆر هاوشێوەی ئەوەیە کە بەردەوام بە شێوەیەکی نافەرمی لە بازنەکانی نوخبەی رووسیادا دەبیسترێت، بەو مانایەی کە پوتن شکستی هێناوە لە رووسیا.
راپۆرتەکە ئاماژە بەوە دەکات، کە نوخبەی رووسیا یەکگرتوون لە قەناعەتیان کە پوتن دەبێت لەو شەڕەدا سەربکەوێت کە دەستی پێکردووە، ئەوەش رووندەکاتەوە کە تەنانەت ئەوانەی دژایەتی ئەو لەشکرکێشییە دەکەن، ئارەزووی ئەوە ناکەن خۆیان لە لایەنی دۆڕاودا ببیننەوە، بەڵکو دۆخی ئێستا پێشنیاری ئەوە دەکات " شکست نزیکە و کەس تێناگات کە چۆن پوتن دەتوانێت سەرکەوتن مسۆگەر بکات."