سەرۆك بارزانی بۆ كۆچی دوایی حەیدەر شێخ عەلی پەیامێکی سەرەخۆشی ئاراستە دەکات

K24 - هەولێر:

سەرۆک بارزانی پەیامێکی سەرەخۆشی بۆ کۆچی دوایی حەیدەر شێخ عەلی بڵاوکردەوە و رایگەیاند، حەیدەر شێخ عەلی كەسایەتییەكی نیشتیمانپەروەر و خەباتگێڕی كوردستان بوو و تەمەنی خۆی بۆ خەبات و ئازادیخوازی تەرخان كرد و لەو ڕێگەیەدا ئازار و مەینەتیی زۆری بینی.

لە پەیامەکەی سەرۆک بارزانیدا هاتووە، "بەداخێكی زۆرەوە هەواڵی كۆچی دوایی تێكۆشەر و خەباتكاری دیاری كورد و ئەندامی پێشووی مەكتەبی سیاسیی حزبی شیوعیی كوردستان (حەیدەر شێخ عەلی)ـم پێگەییشت".

هەروەها سەرۆک بارزانی لە پەیامەکەیدا ئاماژەی بەوەکردووە، "سەرەخۆشیی خۆم ئاراستەی بنەماڵە و كەسوكار و هاوڕێیانی خوالێخۆشبوو حەیدەر شێخ عەلی و سەركردایەتی و ئەندام و لایەنگرانی حزبی شیوعیی كوردستان دەكەم و خۆم بە هاوبەشی خەمیان دەزانم".

دەقی پەیامی سەرەخۆشیی سەرۆك بارزانی بۆ كۆچی دوایی حەیدەر شێخ عەلی

بەناوی خودای بەخشندە و میهرەبان

بەداخێكی زۆرەوە هەواڵی كۆچی دوایی تێكۆشەر و خەباتكاری دیاری كورد و ئەندامی پێشووی مەكتەبی سیاسیی حزبی شیوعیی كوردستان (حەیدەر شێخ عەلی)ـم پێگەییشت.

حەیدەر شێخ عەلی كەسایەتییەكی نیشتیمانپەروەر و خەباتگێڕی كوردستان بوو و تەمەنی خۆی بۆ خەبات و ئازادیخوازی تەرخان كرد و لەو ڕێگەیەدا ئازار و مەینەتیی زۆری بینی.

سەرەخۆشیی خۆم ئاراستەی بنەماڵە و كەسوكار و هاوڕێیانی خوالێخۆشبوو حەیدەر شێخ عەلی و سەركردایەتی و ئەندام و لایەنگرانی حزبی شیوعیی كوردستان دەكەم و خۆم بە هاوبەشی خەمیان دەزانم.

لە خودای مەزن داواكارم ڕۆحی خوالێخۆشبوو حەیدەر شێخ عەلی بە بەهەشتی بەرین شاد بكات و سەبر و ئارامی بە هەموو لایەك ببەخشێت.

انا للە و انا الیە راجعون

مسعود بارزانی
4ی ئایاری 2023