فراكسیۆنی پارتی له پهرلهمانی عێراق: سیاسهتی برسیكردن بهرامبهر به ههرێمی كوردستان جێبهجێ دهكرێت
K24 – هەولێر:
فراكسیۆنی پارتی له ئهنجوومهنی نوێنهرانی عێراق ئاماژه بهوه دهكات، بڕینی مووچه و شایستهكانی ههرێمی كوردستان، بریتییه له سیاسهتی برسیكردنی خهڵكی ههرێمی كوردستان و پهشیمانبوونهوهیه له رێككهوتنهكان.
ئهمڕۆ (11ـی ئهیلوولی 2023) فراكسیۆنی پارتی دیموكراتی كوردستان له ئهنجوومهنی نوێنهرانی عێراق له میانی كۆنگرهیهكی رۆژنامهوانی فراكسیۆنهكهدا رایگهیاند، فراكسیۆنهكه جهخت لهسهر بنهمای یهكڕیزی و یهكگرتوویی لایهنه كوردستانییهكان و رێزگرتن و قبووڵكردنی بهرامبهر دهكاتهوه.
فراكسیۆنی پارتی دیموكراتی كوردستان له ئهنجوومهنی نوێنهرانی عێراق ههروهها داوای له پارت و هێز و فراكسیۆنه كوردییهكان كرد بۆ رووبهڕووبوونهوهی ههر مهترسی و ئاڵنگارییهكی دژ به ههرێمی كوردستان یهكگرتوو بن، چونكه تاكه رێگهیه بۆ ئهوهی بههۆیهوه ههرێمی كوردستان پارێزراو بێت.
فراكسیۆنی پارتی له پهرلهمانی عێراق باسی لهوهش كرد، لهو بارودۆخ و پێشهاتهدا، پێویست دهكات لایهنه كوردستانییهكان یهكگرتوو بن بهرامبهر به نهناردنی شایستهكانی ههرێمی كوردستان و سیاسهتی برسیكردنی ههرێم.
فراكسیۆنی پارتی سهرنجی بۆ رووداوهكانی كهركووكیش راكێشا و رایگهیاند، ئهوهی بهرامبهر به مووچه و شایستهكانی ههرێمی كوردستان دهكرێت و ئهوهی له كهركووك روویدا، پیلانگێڕی بوو، هاوكات پهشیمانبوونهوه بوو له ههموو ئهو رێككهوتنانهی بۆ پێكهێنانی حكومهت ئهنجام دراون.
رۆژی پێنجشەممە (7ـی ئەیلوولی 2023)، مەسرور بارزانی، سەرۆکی حکومەتی هەرێمی کوردستان لە پەیامێکدا لە تۆڕی کۆمەڵایەتی ئێکس (تویتەری پێشوو) رایگەیاند، نەناردنی شایستە داراییەکانمان وەک لە بودجەی فیدراڵدا هاتووە، لەلایەن بەغداوە، زیان بە هاووڵاتییانمان دەگەیەنێت.
هەروەها رۆژی چوارشەممەش (6ـی ئەیلوولی 2023)، ئەنجوومەنی وەزیرانی هەرێمی کوردستان لە کۆبوونەوەی ئاسایی خۆیدا، جەختی کردەوە کە لە بەرانبەر پابەندییەکانی هەرێم، پێویستە کۆی گشتی شایستەی داراییەکانی بۆ خەرج بکرێت کە بە گوێرەی خشتەکانی یاسای بودجەی عێراق بۆ ساڵی 2023 دەکاتە بڕی 16 تریلیۆن و 498 ملیار دینار، کە مانگانە بە گوێرەی ژمارەکانی بودجە دەکاتە یەک ترلیۆن و375 ملیار دینار.
لە کۆبوونەوەی ئەنجوومەنی وەزیرانی عێراق لە رۆژی (3ـی ئەیوولی 2023) بڕیاردرا بۆ ماوەی سێ مانگ بڕی 500 ملیار دینار بە شێوەی قهرز بۆ هەرێمی کوردستان بنێردرێت تا یەکلایی کردنەوەی کێشە تەکنیکییەکانی نێوان هەولێر و بەغدا لە بارەی جێبەجێکردنی یاسای بودجە.
هەروەها رۆژی هەینی، (8ـی ئەیلوولی 2023)، پێشەوا هەورامانی، گوتەبێژی حکومەتی هەرێمی کوردستان وەڵامی روونکردنەوەیەکی گوتەبێژی حکومەتی عێراقی دایەوە لەبارەی پرسی شایستە داراییەکانی هەرێمی کوردستان و رایگەیاند: "هیچ هۆکار و بیانویێک نابینین بۆ نەناردنی مووچەی مووچەخۆرانی هەرێمی کوردستان و پێویستە دوور لە ئینفاقی فیعلی بەبێ هیچ تێکەڵکردنێک هاوشێوەی ناوچەکانی دیکەی عێراق مووچە بنێردرێت و بەپێچەوانەی قسەکانی گوتەبێژ، مووچەخۆرانی هەرێم نەک سێ هێندەی مافی خۆیان بۆ نەنێردراوە بەڵکوو لەژێر ناوی قەرزدا ئەوەی کە بۆشیان نێردراوە نیوەی مافیشیان نییە و مووچەی چەند مانگێک پەڕێندراوە و باسی ناردنیشی نەکراوە".