کەشناسی: لە هەندێک ناوچە باران دەبارێت

K24 – هەولێر

بەگوێرەی پێشبینییەکانی کەشناسی، سبەی لە هەندێک ناوچەی هەرێمی کوردستان نمە باران دەبارێت.

بەشی پێشبینییەکان لە بەڕێوەبەرایەتی کەشناسی و بومەلەرزەزانی هەرێمی کوردستان پێشبینییەکانی کەشوهەوای بۆ 48 کاتژمێری داهاتوو بڵاوکردەوە و رایگەیاند، ئەمڕۆ سێشەممە ئاسمان ساماڵ دەبێت لەگەڵ پەیدابوونی پەڵە هەور لە هەندێ ناوچە، پلەی گەرما نزیک دەبێتەوە لە تۆمارکراوی دوێنێ .

لەبارەی کەشوهەوای سبەی، کەشناسی پێشبینی کردووە، سبەی چوار شەممە 13/9/2023 ئاسمان ساماڵ دەبێت، هەندێکجار دەگۆڕێت بۆ نیمچە هەور لەگەڵ ئەگەری هەندێک نمە باران لە ناوچە شاخاوییە سنوورییەکانی باکووری رۆژهەڵات. پلەی گەرما کەمێک بەرز دەبێتەوە بە (1 – 2 ) پلە لە تۆمارکراوی ئەمڕۆ.

بەرزترین پلەکانی گەرمای پێشبینیکراو بە پلەی سیلیزی:

هەولێر : 39

سلێمانی : 37

دهۆک : 37

کەرکوک : 42

هەڵەبجە : 40

زاخۆ : 39

سۆران : 37

حاجی ئۆمەران : 28

گەرمیان : 44