کۆمپانیایەکی فڕۆکەوانی ئەڵمانیا گەشتەکانی بۆ تاران راگرت
K24 - هەولێر
بەهۆی خراپی دۆخی ئەمنییەوە یەکێک لە گەورەترین کۆمپانیاکانی فڕۆکەوانی ئەڵمانیا گەشتەکانی بۆ تارانی پایتەختی ئێران راگرت.
کۆمپانیای 'لۆفتهانسا'می ئەڵمانی بۆ فڕۆکەوانی کە یەکێکە لە گەورەترین کۆمپانیاکانی ئەو وڵاتە؛ بڵاویکردەوە، 'بەهۆی دۆخی ئێستای رۆژهەڵاتی ناوەڕاست و مەترسییە ئەمنییەکانەوە' گەشتەکانیان بۆ تارانی پایتەختی ئێران ڕادەگرن و رێگەشنادەن هیچ فڕۆکەیەک لە تارانەوە بەرەو ئەڵمانیا بفڕێت.
کۆمپانیای لۆفتهانزا باسی لەوەش کردووە، "بە وردی" چاودێریی دۆخی رۆژهەڵاتی ناوەڕاست دەکەن و سەلامەتی گەشتیاران لەبەرچاو دەگرن، هەر بۆیە گەشتەکانیان بۆ تاران راگرتووە.
ئەمە لە کاتێکدایە پێشبینی دەکرێت لەم چەند رۆژەدا ئێران وەڵامی هێرشەکەی چەند رۆژی رابردووی ئیسرائیل بۆ سەر کونسوڵخانەکەیان لە دیمەشقی پایتەختی سووریا بداتەوە کە بەهۆیەوە ژمارەیەک فەرماندە و سەربازی سوپای پاسداران کوژران و بریندرابوون.
