سیاسی

سەرۆکوەزیران مەسرور بارزانی: کوردستان و ئابوورییەکەی بەرەو قۆناخێکی نوێ هەنگاو دەنێت

سەرۆکوەزیران مەسرور بارزانی
سەرۆکوەزیران مەسرور بارزانی
کوردستان هەژماری من سەرۆکوەزیران مەسرور بارزانی مووچە هەرێمی کوردستان

K24 – هەولێر:

سەرۆکی حکوومەتی هەرێمی کوردستان لەبارەی پرۆژەی هەژماری منەوە ڕایگەیاند: هیوادارم مووچەخۆران بەردەوام بن لە تۆمارکردنی خۆیان بۆ وەرگرتنی مووچەکانیان بە شێوازێکی مۆدێرن و سوودمەند بن لە خزمەتگوزاریی بانکی.

ڕۆژی هەینی (31ـی ئایاری 2024) مەسرور بارزانی، سەرۆکی حکوومەتی هەرێمی کوردستان لە تۆڕی کۆمەڵایەتی ئێکس ڕایگەیاندووە: کوردستان و ئابوورییەکەی بەرەو قۆناخێکی نوێ هەنگاو دەنێت.

دوای ئەوەی ژمارەی بەشداربووان لە پرۆژەی "هەژماری من" گەیشتە 400 هەزار مووچەخۆر و پرۆسەکەش بەردەوامە، سەرۆکوەزیران مەسرور بارزانی لە تۆڕی کۆمەڵایەتی ئێکس نووسیویەتی: هیوادارم مووچەخۆران بەردەوام بن لە تۆمارکردنی خۆیان بۆ وەرگرتنی مووچەکانیان بە شێوازێکی مۆدێرن و سوودمەند بن لە خزمەتگوزاریی بانکی.

به‌ گوێره‌ی ئامارەکانی حكوومه‌تی هه‌رێمی كوردستان، تاوه‌كو ئێستا 400 هەزار مووچەخۆر، خۆیان لە پرۆژەی هەژماری من تۆمارکردووە و 231 ئامێری ڕاکێشانی پارە (ATM) لە سەرتاسەری هەرێمی کوردستان بەردەستن و تاوەکوو کۆتایی ساڵی 2024 ژمارەکە دەبێتە نزیکەی هەزار ئامێر.

ژمارەی بانکە بەشداربووەکانی پرۆژەی هەژماری من تاوەکوو ئێستا حەوت بانکە و هەریکە لە بانکەکانی، ئاڕتی، جیهان، بەغدا، بی بی ئەی سی (بانكێكی لوبنانییه‌)، بانکی ئەهلی عێراقی، بانکیی ئیسلامی عێراقی، بانكی عێراقی بۆ بازرگانی (TBI) لەخۆدەگرێت.

کوردستان24 دیجیتاڵ میدیا ,