یۆئاڤ گالانت: سوپای ئیسرائیل ئامادەیە بۆ شەڕی لوبنان
وەزیری بەرگریی ئیسرائیل ڕایگەیاند، سوپاکەیان ئامادەی هەمووجۆرە سیناریۆیەکە بۆ ڕووبەڕووبوونەوەی حیزبوڵای لوبنانی.
یوئاڤ گاڵانت، وەزیری بەرگریی ئیسرائیل ڕاشیگەیاند، ئەرکی ئەوانە دۆخی سنووری ئیسرائیل و لوبنان بگۆڕن و ئاوارە ئیسرائیلییەکانی ئەو سنوورە بۆ ماڵەکانی خۆیان بگێڕنەوە.
گالانت گوتیشی، "ئێمە لە سنووری لوبنان لە هێڵەکانی پیشەوەیان و سیستەمی هەواڵگرییمان بەتەواوی بۆ هەر ئەگەرێک ئامادەیە".
دەشڵێت، "ئەوەمان لەبیرناچێت حیزبوڵا دژی ئێمە شەڕی هەڵگیرساند، لە هەشتی ئۆکتۆبەر، لەو کاتەوە تەنانەت یەک ڕۆژیش شەڕی ڕانەگرتوو".
یۆئاڤ گالانت ڕاشیگەیاند، "ئێمە ئەرک و بەرپرسیارێتی ئەوەمان لەسەرشانە، دۆخی باکووری ئیسرائیل بگۆڕین و ڕێگە بە گەڕانەوەی ئەوکەسانە بدەین کە بەهۆی شەڕ و بۆمبارانەوە ناوچەکانیان بەجێهێشتووە".
ڕۆژی 7ـی ئۆکتۆبەری 2023، چەکدارەکانی بزووتنەوەی حەماس هێرشێکی بەرفراوانیان کردە سەر ئیسرائیل، لە هێرشەکەدا زیاتر لە هەزار و 400 ئیسرائیلی کوژران و سەدانی دیکەش بریندار بوون، هاوکات 240 هاووڵاتیی ئیسرائیل وەکوو بارمتە لەلایەن حەماسەوە دهستبهسهر كران.