سیاسی

ترامپ: شەڕی موسڵ دەبێتە كارەساتێك

جیهان ئازادكردنه‌وه‌ی موسڵ

K24 – هه‌ولێر

پاڵێوراوی كۆمارییه‌كان بۆ سه‌رۆكایه‌تی ئه‌مریكا دۆنالد ترامپ رایگه‌یاند شه‌ڕی گرتنه‌وه‌ی موسڵ له‌ چه‌كدارانی داعش ده‌بێته‌ كاره‌ساتێكی ته‌واو.

ئۆپه‌راسیۆنی رزگاركردنی موسڵ پێی نایه‌ هه‌فته‌ی دووه‌م، هێزه‌كانی پێشمه‌رگه‌ و عێراقی و هاوپه‌یمانی نێوده‌وڵه‌تی به‌شداری ئۆپه‌راسیۆنه‌كه‌ بوونه‌ و تا ئێستا 70 ناوچه‌كانی ‌ ده‌وروبه‌ری موسڵیان رزگار كردووه‌.

ترامپ له‌ ئه‌ژماری تایبه‌تی خۆی له‌ تویته‌ر نووسیوه‌: "هێرش بۆ سه‌ر موسڵ ده‌بێته‌ كاره‌ساتێكی ته‌واو. چه‌ند مانگێك پێشتر هۆشداریمان دابوو".

پێشتر ترامپ له‌باره‌ی كاتی ده‌ستپێكردنی ئۆپه‌راسیۆنی گرتنه‌وه‌ی موسڵ ره‌خنه‌ له‌ ئیداره‌ی ئۆباما گرت و به‌وه‌ی تۆمه‌تبار كرد به‌ ئه‌نقه‌ست ئه‌و كاته‌ دیاری كردووه‌ بۆ ئه‌وه‌ی كاریگه‌ری به‌سه‌ر هه‌ڵبژاردنی سه‌رۆكایه‌تی ئه‌مریكا هه‌بێت.

ئۆپه‌راسیۆنی موسڵی رۆژی 17 تشرینی یه‌كه‌م به‌ به‌شداری هێزه‌كانی پێشمه‌رگه‌ و عێراقی و پشتگیری هه‌وایی هاوپه‌یمانی نێوده‌وڵه‌تی ده‌ستیپێكرد و له‌ ماوه‌ی هه‌شت روژی یه‌كه‌مدا زۆربه‌ی هه‌ره‌ زۆری ناوچه‌كانی باكوور، رۆژهه‌ڵات و باشووری ده‌وروبه‌ری موسڵێان كۆنترۆڵ كرد و نزیك بوونه‌ته‌وه‌ له‌ ده‌روازه‌كانی شاری موسڵ.

کوردستان24 دیجیتاڵ میدیا ,