دەیان چەكداری حەشدی شەعبی ھێندراونەتە كەركووك
ئاسایشی پارتی: حەشدی شەعبی بە رەزامەندی ئیدارەی كەركووك ھاتووە
K24 - كەركووك
بەدەیان چەکدارای حەشدی شەعبی ھاتوونەتە ناو شاری کەرکووک و سەرکردەیەکی ئەو گرووپەش دەڵێ، تا هەڕەشە لەسەر پارێزگاکە ھەبێت ئەوان لەناو شار دەمێننەوە بەبێ ئەوەی کاتی دەرچوونیان دیار بکات.
بەڕێوبەری ئاسایشی پارتیش لە کەرکووک باس لەوە دەکات حەشدی شەعبی بەپێی رێککەوتن لەگەڵ ئیدارەی پارێزگاکە ھاتوونەتە ناو کەرکووک، کوردستان24 بۆ یەکەم جار دیمەنی ھاتنی چەکدارانی حەشدی شەعبی بۆ ناو شاری کەرکووک بڵاو دەکاتەوە.