به‌ وێنه‌.. داعش تانك و هامه‌ر و زرێپۆشى له‌ داروپلاستيك درووستكردووه‌

K24 – هه‌ولێر:

هێزه‌كانى سوپاى عێراق سه‌ر به‌ فيرقه‌ى 16، ده‌ستيانگرت به‌سه‌ر وه‌رشه‌يه‌كى چه‌كدارانى داعشدا و ئه‌وه‌ى بووه‌ته‌ جێى سه‌رنج، له‌ وه‌رشه‌كه‌دا ژماره‌يه‌ك تانك و زرێپۆشى له‌دار درووستكراو به‌ ته‌واو نه‌كراوى به‌جێماوون.

وه‌رشه‌كه‌ له‌ گوندى ساده‌ى ميحوه‌رى باكوورى مووسڵ دۆزراوه‌ته‌وه‌ و تێيدا ئۆتۆمبێلى هامه‌ر و تانكى درووستكراو له‌ دار و پلاستيك ده‌ستيان به‌سه‌ردا گيراوه‌.

به‌ گوێره‌ى زانيارى فه‌رمانده‌كانى سوپاى عێراق، ئامانجى داعش له‌ درووستكردنى ئه‌و كه‌رسته‌ و ئامێره‌ جه‌نگييانه‌ سه‌رلێشێوانى فڕۆكه‌كانى ئه‌مريكا و عێراق و هاوپه‌يمانێتى نێوده‌وڵه‌تى دژى داعش بووه‌. بۆ ئه‌وه‌ى له‌ رێى بۆردومانكردنى ئه‌و تانك و زرێپۆشه‌ له‌ دار درووستكراوانه‌وه‌، تێچووى جه‌نگ زۆرتر و ئامانجى وه‌همى له‌ناو ببرێن.