كۆنفرانسی "سەربەخۆیی كوردستان رووبهڕووبوونهوه و دەرفەت" لە زانكۆی ئەمریكی كوردستان- دھۆك بەڕێوە دەچێت
چهندین كهسایهتی لهسهر ئاستی كوردستان و عێراق و جیهان رای خۆیان لهبارهی سهربهخۆیی كوردستان و دهرفهت و ئاستهنگهكانی بهردهمی دهخهنهڕوو
K24 –ههولێر
ئهمڕۆ پێنجشهممه كۆنفرانسی "سەربەخۆیی كوردستان، رووبهڕووبوونهوه و دەرفەت" له زانكۆی ئهمریكی كوردستان ـ دهۆك به سپونسهری میدیایی كوردستان24 بۆ تاوتوێكردنی پرسی سهربهخۆیی كوردستان و دهرفهت و ئاستهنگهكانی بهردهمی بۆ ماوهی دوو رۆژ بهڕێوه دهچێت.
له پێنج پانێلی جیاواز لهماوهی ئهم دوو رۆژهدا تیشك دهخرێته سهر یاساكانی نێودهوڵهتی، مافی چارهی خۆنووسین بۆ گهلی كورد، رەھەندهكانی ئاشتی و ئاسایشی ههرێم پاش سهربهخۆیی، هاوبهشی ستراتیژی نێوان رۆژئاوا و حكومهتی ههرێمی كوردستان، ئایندهی رۆژههڵاتی ناوهڕاست و كێشه ناوخۆییهكانی كوردی و سهربهخۆیی.
بهشدارانی كۆنفرانسهكه بۆ ئهم پرسانه را و بۆچوونی خۆیان لهمبارهوه پێشكهش دهكهن.
چهندین ئهكادیمی، سیاسهمهتدار، پسپۆر، كهسایهتی و رۆژنامهنووس لهسهر ئاستی كوردستان، عێراق و جیهان بهشداری ئهم كۆنفرانسه دهبن.
بهرنامهی کۆنفرانسی سەربهخۆیی کوردستان، رووبهڕووبوونهوه و دهرفهت
رۆژی یهكهم
گوتاری مهسرور بارزانی سهرۆكی بۆردی زانكۆی ئەمریكی كوردستان- دھۆك پێشكهش دهكرێت.
پانێلی یهكهم،
یاسای نێودهولهتی و مافی چارهنووسی گهلی كورد به بهشداری ههر یهك له بهرههم ساڵح، هۆشیاری زێباری، پرۆفیسۆر ئیسماعیل بێشكچی، پرۆفیسۆر مایكل گۆتنهر،
پانێلی دووهم،
هاوبهشی ستراتیژی نێوان رۆژئاوا و حکومەتی ھەرێمی کوردستان به بهشداری ههر یهك له نێچیرڤان بارزانی، د. عادل عبدالمھدی، زەڵمای خەلیل زاد و ئوسامە نوجێفی.
پانێلی سێیهم،
رەھەندهكانی ئاشتی و ئاسایشی ھەرێم پاش سەربهخۆیی به بهشداری ههر یهك له د. پیتەر گالبرێت بالیۆزی پێشووی ئهمریكا، پرۆفیسۆر ئۆرفا بینجیۆ ئەکادیمیست، جەنگیز چاندار رۆژنامەنووس- ئەمبەرین زەمان رۆژنامەنووس
رۆژی دووهم،
پانێلی چوارهم،
ئاییندەی رۆژھەڵاتی ناوهڕاست به بهشداری ههر یهك له پرۆفیسۆر دلاوەر عەلائەدین دامەزرێنەر و سەرۆکی MERI، پرۆفیسۆر کارۆل ئۆلیری له زانکۆی کاتۆلیک له ئەمریکا، جۆن ھەنا له دەزگای بەرگری له دەمۆکراسی، د. دێیڤید پۆڵۆک له پەیامانگەی واشنتۆن بۆ سیاسەتی رۆژھەڵات نزیک.
پانێلی پێنجهم،
كێشه ناوخۆییهكانی کوردی و سهربهخۆیی به بهشداری ههر یهك له د. بێرنارد کوشنەر وەزیری پێشووی دهرهوهی فهرهنسا، مەلا بەختیار بەرپرسی دەستەی کارگێری یەكێتی نیشتیمانی کوردستان، فوئاد حسێن- کامهران یوکسەک ھاوسەرۆکی BDP، مستەفا ھیجری و ئیبراھیم برۆ.