به‌ وێنه‌.. له‌ كارگه‌يه‌كى درووستكردنى چه‌كى داعشدا قوتوى بيره‌ و وێسكى دۆزرايه‌وه‌

K24 – هه‌ولێر:

هێزی دژه‌ تیرۆری عێراق له‌ موسڵ ده‌ستی به‌سه‌ر بڕیكی زۆری چه‌ك و ته‌قه‌مه‌نی و گوللـه‌ هاوه‌ن و ماده‌ی ته‌قینه‌وه‌، بۆمبی ده‌ستكردی داعشدا كه‌ زۆرێك له‌ چه‌كه‌كان له‌ لايه‌ن داعشه‌وه‌‌ دروستكراون و ئه‌وه‌ى جێى سه‌رنجه‌ له‌ كارگه‌ى درووستكردنى چه‌كى داعشدا ژماره‌يه‌ك قوتووى بيره‌ و خواردنه‌وه‌ى كحولى دۆزراونه‌ته‌وه‌.

كوردستان24 ئه‌و كه‌ره‌ستانه‌ی داعش بۆ بینه‌رانی گواسته‌وه‌ كه‌ له‌ لایه‌ن هێزی دژه‌ تیرۆری عێراق نمایش كران.

ئۆپه‌راسیۆنی گرتنه‌وه‌ی موسڵ رۆژی 17 تشرینی یه‌كه‌م/ ئۆكتۆبه‌رى 2016 به‌ به‌شداری 100 هه‌زار له‌ هێزه‌كانی عێراقی و كوردستانی و هێزێكی تایبه‌تی ئه‌مریكا و پیشتگیری هاوپه‌یمانی نێوده‌وڵه‌تی بۆ شه‌ڕی دژی داعش ده‌ستیپێكرد.