دوو ناوچەی دیكەی مووسڵ كۆنترۆڵكرانەوە

K24 - ھەولێر

سوپای عێراق ناوچەی ئازادی بازرگانی و كارگەی درووستكردنی دەرمانی لە باكووری مووسڵ كۆنتڕۆڵكردەوە.

فەرماندەیی ئۆپەراسیۆنی كۆنتڕۆڵكردنی مووسڵ لە بەیاننامەیەكدا راگەیاند، ھێزەكانی سوپای عێراق، لە رووبەڕووبوونەوەیاندا لەگەڵ چەكدارانی داعش، توانیان كارگەی درووستكردنی دەرمانی مووسڵ و ناوچەی ئازادی بازرگانی لە میحوەری باكووری شارەكە کۆنتڕۆڵ بكەنەوە.

عەبدولئەمیر رەشید یارەڵڵا، فەرماندەی ئۆپەراسیۆنەکانی نەینەوا، ئاشكرای كرد، هێزەکانی سەر بە فیرقەی زرێپۆشی 9 و لیوای 3 فیرقەی یەکی سوپای عێراق، لە لای چەپی شارەكە بەردەوامی بە ئۆپەراسیۆنەكەیان دەدەن و چەكدارانی داعش لە رووی ھێز و كەرەستە سەربازییەكانەوە زەرەر و زیانێكی زۆریان پێگەیشتووە.