ئاسایشی هه‌ولێر گروپێكی سه‌ر به‌ داعشی ده‌ستگیركرد

K24 – هه‌ولێر:

بەڕێوبەرایەتی ئاسایشی هەولێر گروپێکی 5 کەسی سەر بە رێكخراوی داعشی دەستگیر کرد و به‌گوێره‌ی زانیارییه‌كان ئه‌و كه‌سانه‌ به‌نیازبوون خۆیان بگه‌یه‌ننه‌ ناو چه‌كدارانی داعش.

ئاسایشی هه‌ولێر له‌گه‌ڵ بڵاوكردنه‌وه‌ی ناو و وێنه‌ی ئه‌و پێنج كه‌سه‌دا رایگه‌یاندووه‌" دوای چاودێریكردن و به‌دواداچوونی ورد توانیومانه‌ ئه‌و گروپه‌ پێنج كه‌سییه‌ ده‌ستگیربكه‌ین، كه‌ نیازیان هه‌بووه‌ بچنه‌ حه‌ویجه‌ و په‌یوه‌ندی به‌ چه‌كدارانی داعشه‌وه‌ بكه‌ن.

ئاسایشی هه‌ولێر ناوی ئه‌و 5 كه‌سه‌شی بڵاوكردووه‌ته‌وه‌.

1. تیرۆریست/ (هاوار یوسف عبدالکریم).
2. تیرۆریست/ (هەڵمەت عمر عثمان احمد).
3. تیرۆریست/ (هانی ابرھیم رشید فرج).
4. تیرۆریست/ (فەرهەنگ عباس عبدالرحمن رشید).
5. تیرۆریست/ (عبداللە باقی عبداللە رشید).

هه‌روه‌ها ئاسایشی هه‌ولێر ئه‌وه‌شی ئاشكراكردووه‌ كه‌ لە داھاتوویەکی نزیکدا دەقی دانپێدانانی دەستگیرکراوان لە ڕێگایی بەڕێوبەرایەتی ئاسایشی ھەولێر بڵاوده‌كرێته‌وه‌ و ده‌درێته‌ میدیاكان.