جلی بوكێنی دەسوتێنێت

K24 - ھەولێر

بە لەبەركردنی جلی بوكینی و دواتر سوتاندنیان دڵی خۆشی خۆی بۆ جیابوونەوە لە ھاوسەرەكەی دەردەبڕێت، بەڵام بە شیوەیەكی سەرسۆڕھێنەر و گاڵتەئامێز.

كێیلن مەككی پاش ئەوەی لە ھاوسەرەكەی جیا دەبێتەوە، جلوبەرگی بوكێنی كە نرخەكەی 1500 دۆلارە، لەناو ئاودا پیس دەكات و بە مەقەس دەدرێنێت و دواتر بۆتلێكی شەراب پێدا دەكات و دەسوتێنێت و وێنەكانیشی بڵاو دەكاتەوە.

بە پێی ھەواڵێكی دەیلی مەیل، كاتلین 25 ساڵی لە ویلایەتی ئیلینۆی ئەمریكا پاش 10 ساڵ پێكەوەبوون، لە ھاوسەرەكەی جیا بووەوە و دەڵێت وێنەكانی دیمەنی جیابوونەوەی، ئازادی دەكات.

ھەر لەمبارەوە دەڵێت "پەیوەندییەكەم باش نەبوو، بەڵام كۆتاییدا ئازاد بووم، لە تەمەنی 16 ساڵییەوە پێكەوە بووین و چوار ساڵیشە ھاوسەوەرگیریمان كردووە".

ئەو ژنە كچێكی شەش ساڵی ھەیە و ئارایشگەریشە. كارەكەشی بە یاخیبوونێك بەرامبەر ھاوسەرگیری بەناو دەكات و ھەر لەمبارەوە دەڵێت "رێگەكەم دەڵێت من ئازادم". بەو كارەش خۆی زۆر بە ئازاد و بە جۆش و بەھێز دەبینێت.

دەشڵێت برادەرەكانم، ئەو كارەی من بە شتێكی زۆر باش دەزانن و دەبمە پێشەنگی ئەو كەسانەی ئارەزووی ئەنجامدانی ئەم كارەی منیان ھەیە.

ئەم كارەی كێیلن دوو كاتژمێری خایاندووە وێنەكانیشی لە ماڵە نوێیەكەی نمایش كرد.

ئێستا دەستگیرانێكی دیكەی ھەیە و دەڵێت ئەو ئەم كارەی من پێی باش بووە و حەزی لەو وێنانەیە.

لە كۆتاییشدا خۆشحاڵی خۆی بەبۆنەی پەیوەندیی نوێی دەردەبڕێت.

JS