حەوت ساڵە بەتەنیا لە گوندەكەی دەژیت

K24 - ھەولێر

ھاووڵاتییەكی كورد ماوەی 7 ساڵە بە تەنیایی لە گوندەكەی دەژیت، 22 ساڵ پاش ئەوەی گوندەكەی لە لایەن سوپای توركیا وێران و چۆڵكرا.

دەرویش موحان 52 ساڵی لە ساڵی 1995 بە ھۆی شەڕی دەوڵەت و پەكەكە گوندەكەیان كە 50 ماڵی تێدابوو لە لایەن سوپای توركیا چۆڵكرا و بۆ شاری وان كۆچبەر بوو.

میدیاكانی توركیا بڵاویانكردەوە موحان حەوت منداڵی ھەیە و بۆ ماوەی حەوت ساڵ لە شوێنە جیاوازەكانی توركیا كاری كرد و خێزانەكەشی لە وان دەژین.

ئەم ھاووڵاتییە داوای 15 ساڵ بەتەنیا بۆ گوندی ئۆڤاجك لە داوێنی چیای كاتۆ گەڕایەوە و قوتابخانەی گوندەكەی كە بەشێكی نەرووخابوو، كردە ماڵی خۆی و دەست بە بەخێوكردنی مەڕوماڵات كرد و منداڵەكانیشی جاروبار سەردانی دەكەن و یارمەتی دەدەن.

ئەم ھاووڵاتییە تەنیا رادیۆكی بچووكی ھەیە و بۆ رۆناكیش چرای نەوت بەكار دێنێت و دەڵێت زۆر ئاسوودە و خۆشحاڵم و ھیواش دەخوازێت گوندەكەی جارێكی تر ئاوەدان بكرێتەوە.

JS