رووسنه‌فت له‌ چەند ناوچەیەكی كوردستان به‌دوای نه‌وتدا ده‌گه‌ڕێت

K24 - ھەولێر

رووسنه‌فت له‌ عه‌ینزاله‌ و شه‌نگال تا سنووری سووریا و كه‌ركووك كاری گه‌ڕان به‌دوای نه‌وت و په‌ره‌پێدانی كێڵگه‌ نه‌وتییه‌كان ده‌كات.

به‌ گوێره‌ی رۆژنامه‌ی فاینه‌نشاڵ تایمزی بریتانی، به‌پێی رێككه‌وتنی نه‌وتی نێوان هه‌رێمی كوردستان و رووسنه‌فت، ئه‌و كۆمپانیا رووسیه‌ له‌ 5 بلۆك كه‌ زۆربه‌یان له‌ ناوچه‌ كوردستانیه‌كانی ده‌ره‌وه‌ی ئیداره‌ی هه‌رێمی كوردستانن كارده‌كات.

ھەر به‌گوێره‌ی رێككه‌وتنه‌كه‌، رووسنه‌فت له‌ كه‌ركووك و عیه‌نزاله‌ و شه‌نگال تا ده‌گاته‌ سنووری سووریا، هه‌م به‌دوای نه‌وتدا ده‌گه‌رێت و هه‌میش كێڵگه‌ نه‌وتییه‌كان پێشده‌خات و به‌رهه‌میان زیاد ده‌كات.

رۆژی 2 حوزەیرانی 2017، گرێبەستێكی نەوتی لەنێوان ھەرێمی كوردستان و كۆمپانیای رووسنەفتی رووسی بۆ ماوەی 20 ساڵ واژووكرا.