ھەسەدە گوندێكی دیكەی رەققەی كۆنترۆڵكرد
ھێرشێكی داعش لە رۆژھەڵاتی رەققە تێكشكێندرا
K24 - ھەولێر
هێزەکانی سووریای دیموکرات (ھەسەدە) گوندێکی دیكەیان لە رەققە كۆنترۆڵكرد و هێرشێکی پێچەوانەی داعشیان تێکشکاند.
میدیاكانی ھەسەدە بڵاویانكردەوە، شەڕڤانان گوندی حوسێن ـیان لە رۆژئاوای رەققە کۆنتڕۆڵکرد و بەمەش زیاتر لە قوڵایی پایتەختی دیفاکتۆی داعش نزیک دەبنەوە.
ئاماژە بەوەشكراوە، لە بەری رۆژهەڵاتی رەققە، داعش هێرشێکی فراوانی هەڵگەڕاوەی کردە سەر شەڕڤانانی هەسەدە، بەڵام هێرشەکە تێکشکێندرا و 17 چەکدار کوژران و تەرمی هەشتیان کەوتنە دەست شەڕڤانان.