فەرماندەیی گشتی پێشمەرگە راگەیەندراوێك لەبارەی شەڕی عیازییە بڵاودەكاتەوە

K24 - ھەولێر

فەرماندەیی گشتیی هێزی پێشمەرگەی کوردستان راگەیەندراوێك لەبارەی شەڕی عیازییە بڵاودەكاتەوە و ئاشكرای دەكات، چەكدارانی داعش كەوتوونەتە بۆسەی پێشمەرگە و 130 تەرمی چەكدارانیان لە سەنگەرەكان جێماوە.

لە راگەیەندراوەكە ھاتووە: "دوای ئەوەی تیرۆریستانی داعش لە شەڕی تەلەعفەر و ئاڤگەنی (عیازییە) تووشی شکست هاتن، هەوڵی ئەوەیان دا ڕێگایەک بۆ خۆدەربازکردن بەرەو سووریا بکەنەوە. بەڵام پێشمەرگەی کوردستان ئامادەیی تەواویان هەبوو و تیرۆریستان لە باکووری تەلەعفەر و ئاڤگەنی، کەوتنە بۆسەی پێشمەرگەوە".

فەرماندەیی گشتیی هێزی پێشمەرگە ئاشكرای دەكات: "دوای شەڕێکی قورس لە ئەنجامدا لەماوەی 72 سەعاتی ڕابردوودا تیرۆریستان تووشی شکست و زیانی گەورە هاتن و لاشەی 130 تیرۆریست کەوتۆتە دەست پێشمەرگەی کوردستان".

دەقی راگەیەندراوی فەرماندەیی گشتیی هێزی پێشمەرگەی کوردستان

دوای ئەوەی تیرۆریستانی داعش لە شەڕی تەلەعفەر و ئاڤگەنی (عیازییە) تووشی شکست هاتن، هەوڵی ئەوەیان دا ڕێگایەک بۆ خۆدەربازکردن بەرەو سووریا بکەنەوە. بەڵام پێشمەرگەی کوردستان ئامادەیی تەواویان هەبوو و تیرۆریستان لە باکووری تەلەعفەر و ئاڤگەنی، کەوتنە بۆسەی پێشمەرگەوە و دوای شەڕێکی قورس لە ئەنجامدا لەماوەی 72 سەعاتی ڕابردوودا تیرۆریستان تووشی شکست و زیانی گەورە هاتن و لاشەی 130 تیرۆریست کەوتۆتە دەست پێشمەرگەی کوردستان و گەڕان بەدوای پاشماوەکانی ئەو تیرۆریستانە بەردەوامە.

فەرماندەیی گشتیی هێزی پێشمەرگەی کوردستان

29ـی8ـی2017