سەرۆك بارزانى پێشوازی لە شاندێکی باڵای دیپلۆماسی و سەربازیی ئەمەریکا كرد
سەرۆک بارزانی هیوای سەرکەوتنی لە ئەرکی نوێ بۆ هەردوو ژەنەراڵ خواست
K24 – ههولێر:
سهرۆك مەسعود بارزانی، سەرۆكی هەرێمی كوردستان پێشوازی لە شاندێکی باڵای ئەمەریکا کرد.
وهك له راگهيهندراوى سهرۆكايهتى ههرێمدا هاتووه و وێنهيهكى بۆ كوردستان 24 نێردراوه، شاندهكه پێكهاتبوو له دۆگڵاس سلیمان باڵیۆزی ئەمەریکا لە عێراق، ژەنەراڵ تاونسێند فەرماندەی گشتیی هێزە هاوپەیمانەكان لە عێراق و سووریا، ژەنەراڵ فانک کە لە شوێنی ژەنەراڵ تاونسێند دەستبەکار دەبێت و کین گرۆس کونسوڵی گشتیی ئەمەریکا لە هەولێر.
به گوێرهى راگهيهندراوهكه، لە سەرەتای دیدارەکەدا ژەنەراڵ تاونسێند رایگەیاند، کە ئەرکەکەی وەک فەرماندەی گشتیی هێزە هاوپەیمانەكان لە عێراق و سووریا کۆتایی هاتووە و دەگەڕێتەوە وڵاتەکەی و ژەنەراڵ فانک لە شوێنی ئەو دەستبەکار دەبێت.
له بهرامبهردا سەرۆک بارزانی هیوای سەرکەوتنی لە ئەرکی نوێ بۆ هەردوو ژەنەراڵ خواست.
لە درێژەی دیدارەکەدا بە وردی باسی رەوشی مووسڵ و بەرەکانی رووبەڕووبوونەوە لەگەڵ تیرۆریستان بەگشتی و ناوچەی تەلەعفەر بەتایبەتی کرا.
هەردوولا هاوڕا بوون کە دەرکردنی داعش لە مووسڵ و ناوچەکانی دیکە بەمانای کۆتایی تیرۆر نایەت.
ههروهها جەخت لەسەر بەردەوامیی هاوکاری و هەماهەنگیی نێوان هەردوولا کرایەوە.
لە بەشێکی دیکەی دیدارەکەدا رەوشی سیاسی و ئەمنیی عێراق و سووریا و پێشکەوتنەکان لە دژی داعش، خرانە بەرباس.