وێنە و ڤیدیۆ.. یاریزانانی هەڵبژاردەی بڕازیل دوای یارییەکەی بۆلیڤیا خەریکبوو بەهۆی نەمانی ئۆکسجینەوە گیان لەدەست بدەن
نێیمار: نە ژینگەکە باش بوو نە یاریگەیەکە
K24- هەولێر
یاریزانانی بڕازیل خەریکبوو دوای یارییەکەیان لە پاڵاوتنەکانی مۆندیالی 2018 بەرامبەر بۆلیڤیا تووشی هەناسەبڕکێ بن و مەترسی کەوتە سەر ژیانیان.
دوای یارییەکەیان لە بەرامبەر هەڵبژاردەی بۆلیڤیا کە یارییەکە لە بۆلیڤیا بەڕێوەچوو و هەردوو هەڵبژاردە بە گۆڵێک بەرامبەربوون، نێیمار لە ئینستاگرام وێنەی یاریزانانی هەڵبژاردەکەی بڵاوکردەوە، کاتێک ئۆکسجینیان لەسەر دەمیان داوە و هەناسەبڕکێ بووینە، نیمۆ نووسیویەتی 'ئەمە دۆخی مرۆڤ نییە بەهیچ شێوەیەک، یاریگەیەکی خراپ، ژینگەیەکی خراپ، هیچ شتێک لە شوێنی خۆی نەبوو، بەڵام سەرەڕای هەموو ئەمانە ئاستێکی بەرزمان پێشکەشکرد و یارییەکی باشمان کرد'.
وڵاتی بۆلیڤیا 3600 مەتر لە ئاستی رووی دەریاوە بەرزە و رێژەی ئۆکسجین لەم وڵاتە کەم دەبێتەوە، کە زۆربەی هەڵبژاردەکان لە کاتی یاریکردنیان لە بۆلیڤیا تووشی کیشە بن و ئارجێنتینا لە دوایین یاریی بە گۆڵێکی بێبەرامبەر لە بۆلیڤیا تووشی شکست بوو.
