پسوولهی خۆراك به زمانی كوردی چاپدهكرێتهوه
لابردنی زمانی كوردی پێشێلكاری دهستوورییه
K24 - ههولێر:
وهزارهتی بازرگانی عێراق، ئهو چاپخانهی راسپاردووه كه گرێبهستی لهگهڵ كردووه، بۆ ئهوهی پسوولهی خۆراك چاپ بكهنهوه و وهكو ساڵانی پێشوو زمانی كوردی بۆ زیاد بكرێتهوه.
پێشتر ههرێمی كوردستان رهتیكردهوه، پسوولهی نوێی خۆراك وهربگرێت، بهو پێیهی زمانی كوردی لهسهر پسوولهكان لادرابوون و تهنها به عهرهبی چاپكرابوون.
به گوێرهی میدیا عێراقییهكان، له بهرامبهر لابردنی زمانی كوردیش، وهزارهتی بازرگانی عێراق رایدهگهیهنێت، ئهو كاره به مهبهست نهبووه، بهڵكو ههرێمی كوردستان ههماههنگی وهزارهتی پلاندانانی عێراق نهكردووه.
وهك له نووسراوێكی فهرمی وهزارهتی بارزگانیدا ئاماژهی بۆ كراوه، داوا له چاپخانهكه كراوه، هاوشێوهی ساڵانی پێشوو، زمانی كوردی بۆ پسوولهی خۆراكی پارێزگانی ههولێر، دهۆك و سلێمانی زیاد بكات.
