پەرلەمانی عێراق رۆژی ھەڵبژاردنەكانی یەكلایی كردەوە

K24 - بەغدا

لە دانیشتنی ئەمڕۆیدا، پەرلەمانی عێراق دەنگی لەسەر رۆژی ھەڵبژاردنەكاندا و لە رۆژی 12 ئایاری ئەمساڵ ھەڵبژاردنەكانی عێراق بەڕێوەدەچن.

پەیامنێری کوردستان24 لە بەغدا رایگەیاند: "پەرلەمانی عێراق لە دانیشتنی ئەمڕۆیدا دەنگی لەسەر یاسای هەڵبژاردنەکاندا".

گوتیشی: "پەرلەمان بە زۆرینەی دەنگی پەرلەمانتاران رەزامەندی لەسەر بەڕێوەچوونی هەڵبژاردنەکانی عێراقدا كە لە 12/5/2018، بەڕێوەدەچن".

پێشتر بەهۆی ناکۆکیی نێوان لایەنە سیاسییەکان پەرلەمانی عێراق چەند جارێك لە تێپەڕاندنی یاساکە و دەنگدان لەسەری شکستیهێنا، بەڵام دوای دەرچوونی بڕیاری دادگای فیدراڵی بە نادەستووری بوونی گۆڕینی وادەی هەڵبژاردنەکان سەرجەم لایەنەکان پابەندی خۆیان بەو وادەیە راگەیاند.